Ужо сёньня: 1937 — загад Галоўліту БССР сканфіскаваць і спаліць кнігі 421 беларускага аўтара; 1988 — першая публікацыя пра Курапаты

Дата дня

3 чэрвеня 1988 году ў газэце «Літаратура і мастацтва» быў надрукаваны артыкул Зянона Пазьняка і Яўгена Шмыгалёва «Курапаты — дарога сьмерці». У выніку сьвет даведаўся пра масавыя сталінскія рэпрэсіі ў Беларусі.​

ГЛЯДЗІЦЕ ТАКСАМА:

З архіву Свабоды: Анатоль Вярцінскі расказвае, як выйшла ў сьвет праўда пра Курапаты

Дзень у гісторыі

1863 — Адбылася бітва пад Мілавідамі, аб’яднаныя сілы паўстанцаў пад камандаваньнем Ф. Юндзіла, І. Лукашэвіча, А. Лянкевіча, Л. Нарбута і агульным кіраўніцтвам К. Каліноўскага далі бой расейскаму войску. Сярод удзельнікаў бітвы былі Ф. Багушэвіч і М. Андрыёлі.

1863 — у Лукіскай турме ў Вільні расстраляны Станіслаў Ішора, каталіцкі сьвятар, удзельнік паўстаньня Каліноўскага

1912 — Янка Купала скончыў працу над камэдыяй «Паўлінка».

1937 — загад Галоўліту БССР (падпарадкоўваўся НКВД) канфіскаваць зь бібліятэк і кнігарняў і спаліць кнігі 421 беларускага аўтара, у тым ліку клясыкаў. У дужках пасьля прозьвішча часта было пазначана — усе кнігі.

1944 — Нацысты спалілі Пірчупіс, літоўскую вёску ў Варэнскім раёне каля цяперашняй беларускай мяжы. У агні загінулі 119 жыхароў.

1980 — У выніку памылкі амэрыканскага кампутара, які паведаміў аб савецкім ядзерным нападзе, у ЗША абвешчаная ядзерная трывога.

2006 — Чарнагорыя абвясьціла незалежнасьць ад Сэрбіі.

У гэты дзень нарадзіліся

1911 — Ганна Сапрыка, беларуская пісьменьніца, перакладчыца.

1915 — Адольф Гугель, беларускі мастак.

1935 — Васіль Зуёнак, беларускі паэт.

1940 — Андрэй Каляда, літаратуразнаўца, тэатразнаўца, спэцыяліст у сцэнічным маўленьні.

У памяці

1899 — Ёган Штраўс (сын), аўстрыйскі кампазытар, дырыжор і скрыпач, кароль вальсаў (самы славуты —«Казкі венскага лесу»), аўтар апэрэт (найвядомейшыя — «Жанчына-кажан», «Цыганскі барон»).

1924 — Франц Кафка, нямецкамоўны пісьменьнік.

1960 — Уладзiмер Перцаў, гісторык.

1997 — Янка Сурвіла, грамадзкі дзяяч у эміграцыі, у 1958–1965 арганізатар і вядоўца беларускіх радыёпраграмаў Гішпанскага радыё.

2008 — памёр Міхаіл Герчык, пісьменьнік і сцэнарыст