Сем гадоў таму, 22 траўня 2017 году, памёр першы беларускі міжнародны грасмайстар Віктар Купрэйчык. Ён выступаў больш як у ста краінах, згуляў на спаборніцтвах рознага ўзроўню (ад чэмпіянатаў Беларусі да першынства Эўропы і сьвету сярод сэньёраў) 4000 партыяў. Пра яго шахматную творчасьць надрукаваныя сотні артыкулаў і рэпартажаў, зьняты фільм. У Канадзе выйшаў зборнік ягоных выбраных партыяў.
Калі ў 1997-м адбываліся выбары прэзыдэнта Нацыянальнага алімпійскага камітэту Беларусі, гросмайстар Купрэйчык быў адзіны, хто падняўся і цьвёрда сказаў: галасаваць ня будзе. Ня будзе, бо паводле Алімпійскай хартыі дзейны прэзыдэнт краіны ня можа быць абраны на гэтую пасаду.
Дзень у гісторыі
1501 — у Вільні асьвяцілі касьцёл Сьвятой Ганны.
1848 — пачаў дзейнічаць Дняпроўска-Бужанскі канал.
1925 — у Вільні выйшаў апошні нумар заходнебеларускай газэты «Беларуская доля».
1945 — польскія падпольшчыкі, падначаленыя Зыгмунта Шэндзеляжа «Лупашкі», спалілі на Беласточчыне беларускую вёску Патокі.
1962 — у паселішчы Сосны пад Менскам запусьцілі першы ў Беларусі атамны рэактар.
1972 — адбыўся першы ў гісторыі візыт прэзыдэнта ЗША ў Савецкі Саюз. З тыднёвым візытам СССР наведаў Рычард Ніксан.
1982 — адбылася прэм’ера «Тутэйшых» у Магілёўскім абласным драматычным тэатры. Рэжысэр — Валеры Масьлюк.
У гэты дзень нарадзіліся
1813 — Рыхард Вагнэр, нямецкі кампазытар, дырыгент, драматург, філёзаф.
1859 — Артур Конан Дойл, брытанскі пісьменьнік. Найбольшую вядомасьць здабыў дзякуючы сваім дэтэктыўным гісторыям пра Шэрлака Холмса і доктара Ўотсана.
1899 — Мікола Чарнецкі, беларускі публіцыст, пэдагог, палітычны дзяяч.
1900 — Мікола Касьпяровіч, беларускі этнограф, краязнавец, мовазнаўца і дасьледчык літаратуры.
1907 — Алена Аладава, беларуская мастацтвазнаўца.
1924 — Шарль Азнавур, францускі актор і сьпявак армянскага паходжаньня.
1931 — Мая Яніцкая, беларуская мастацтвазнаўца, дасьледніца дэкаратыўна-прыкладнога мастацтва.
1932 — Элеанора Вецер, мастацтвазнаўца, стваральніца Музэю старажытнай беларускай культуры ў Акадэміі навук Беларусі.
1944 — Юры Гарулёў, кінарэжысэр дакумэнтальных фільмаў.
22 траўня 1959 — Мікола Яцкоў, беларускі паэт, кампазытар-песеньнік.
У памяці
1671 — памёр Аляксандар Казімер Сапега, віленскі біскуп.
1885 — памёр Віктор Гюго, францускі пісьменьнік, тэарэтык францускага рамантызму.
2007 — памерла Ванда Махнач, беларускі мэдык, дзяячка Саюзу беларускай моладзі і беларускай дыяспары ў ЗША.
2011 — памёр Шалом Халяўскі, гісторык, у часе 2-й сусьветнай вайны кіраўнік паўстаньня ў Нясьвіскім гета.
2017 — памёр Віктар Купрэйчык, беларускі шахматыст.
