Прэзыдэнт Казахстану Касым-Жамар Такаеў падпісаў указ аб адстаўцы ўраду і прызначэньні выканаўцам абавязкаў прэм’ер-міністра Рамана Скляра, які працаваў у складзе ўраду на пасадзе першага віцэ-прэм’ера.
У сваім указе Касым Такаеў спаслаўся на артыкул 70 Канстытуцыі Казахстану, якая вызначае падставы для адстаўкі ўраду. Але дакладная прычына адстаўкі ўраду на чале з прэм’ер-міністрам Аліханам Смаілавым у тэксьце ўказу адсутнічае.
Аліхан Смаілаў ачоліў урад Казахстану ў студзені 2022 году, пасьля масавых акцый пратэсту.
Раман Скляр нарадзіўся ў Паўладары (Казахстан), мае тры вышэйшыя адукацыі — Паўладарскага дзяржаўнага ўнівэрсытэту, Маскоўскага інстытуту сучаснага бізнэсу, а таксама Казаскага інстытуту правазнаўства і міжнародных дачыненьняў. Ягоны брат са студзеня 2022 году ачольвае Дэпартамэнт паліцыі Паўлаградзкай вобласьці.