«Напад на сталіцу 29 сьнежня стаў самым маштабным па колькасьці ахвяраў сярод мірных жыхароў сталіцы. На гэты момант з-пад завалаў склада ў Шаўчэнкаўскім раёне дасталі 16 целаў загінулых», — напісаў ён тэлеграме.
Клічко дадаў, што ратавальнікі працягваюць працаваць і да заўтра разьбяруць завалы.
Паводле Клічко, 1 студзеня ў Кіеве будзе абвешчаны днём жалобы. 30 сьнежня дзень жалобы па загінулых у выніку масіраванай расейскай атакі аб’явілі ў Адэсе, Запароскай вобласьці і Дняпры.
Аб павелічэньні колькасьці загінулых да 9 сёньня паведамілі і ўлады Запароскай вобласьці Ўкраіны, дзе напярэдадні казалі пра восем загінулых.
Паводле мясцовых уладаў, у выніку расейскіх атак 29 сьнежня ў Харкаўскай вобласьці трое загінулых, у Дняпры — шэсьць, у Адэсе — чатыры, у Львове — адзін. Такім чынам, агульная колькасьць загінулых ва Ўкраіне ў выніку масіраванага расейскага нападу 29 сьнежня склала 39 чалавек, яшчэ больш за 160 чалавек пацярпелі.
У ноч на 29 сьнежня Расея нанесла адзін з самых масавых удараў па тэрыторыі Ўкраіны, запусьціўшы 158 бесьпілётнікаў і ракет. Выбухі прагрымелі ў Львове, Кіеве, Харкаве, Дняпры і Чаркасах, у Сумскай, Запароскай, Адэскай вобласьці. Некаторыя гарады раніцай некалькі разоў атакавалі.
Учора мясцовыя ўлады паведамлялі агулам пра 30 загінулых у выніку расейскіх атак.
