Словы ў падтрымку Ўкраіны, знойдзеныя на тэлефоне аднаго з работнікаў, прапагандысты назвалі «нацысцкімі выказваньнямі правага толку», паведамляе «Флагшток».
Мазырскія прапагандысты зьнялі відэасюжэт аб затрыманьні працаўнікоў Мазырскага нафтаперапрацоўчага заводу. У сюжэце бачна, як сілавікі жорстка затрымліваюць працаўнікоў НПЗ. Калі гэта адбылося, не паведамляецца.
Афіцыйная падстава для затрыманьня — распаўсюд экстрэмісцкіх матэрыялаў.
Далей у сюжэце паведамляецца, што ў аднаго з працаўнікоў на тэлефоне знайшлі відэа застольля, на якім простыя работнікі выказваюцца ў падтрымку Ўкраіны:
— Слава Ўкраіне! Беларусы за родную брацкую Ўкраіну.
— Героям Слава! Слава Ўкраіне!
Прапагандыстка за кадрам заяўляе, што словы «Слава Ўкраіне» — нацысцкія.
