Гэта вынікае з абноўленага адпаведнага сьпісу на сайце Міністэрства інфармацыі.
«Кошт ураду» — праект, які расказвае пра беларускую эканоміку. Заснавальнікам і кіраўніком рэсурсу зьяўляецца выпускнік Акадэміі кіраваньня пры прэзыдэнце і Эўрапейскага гуманітарнага ўнівэрсытэту Уладзімер Кавалкін.
8 жніўня суд Цэнтральнага раёну Менску прызнаў «экстрэмісцкімі матэрыяламі» тэлеграм-канал і лягатып ініцыятывы «Альянс расьсьледавальнікаў Беларусі». Раней адпаведны статус прысвоілі ютуб-каналу праекту, які займаецца журналісцкімі расьсьледаваньнямі.
4 жніўня гэты ж суд надаў «экстрэмісцкі» статус ініцыятыве «Задзіночаньне беларускіх студэнтаў». Размова ідзе аб сайце студэнцкай супольнасьці, ютуб-канале, тэлеграм-канале, старонках у «Фэйсбуку», «Твітэры», «Інстаграме» і «УКантакце», а таксама аб лягатыпе аб’яднаньня.
Аналягічнае рашэньне суд у Баранавічах прыняў 4 жніўня ў дачыненьні да тэлеграм-каналу «Apeikin. Спорт, палітыка ды рок-н-рол», які вядзе выканаўчы дырэктар Беларускага фонду спартыўнай салідарнасьці Аляксандр Апейкін.
У той жа дзень рашэньнем суду Ленінскага раёну Берасьця такі ж статус нададзены старонцы ініцыятывы «Рабочы рух» у TikTok.
Акрамя гэтага, рознымі судовымі інстанцыямі ў пачатку жніўня «экстрэмісцкімі матэрыяламі» прызнаныя тэлеграм-каналы «Орша Восточка», «Вольны Захад TUT», Volny Belarus, «Вот так дела», а таксама TikTok-старонкі merchfreеdom, nastassia.rouda (дырэктаркі выданьня «Наша ніва» Насты Роўды), hajtaktv.
