На новай пазыцыі Крысьціна Рыхтэр будзе каардынаваць працу па прыцягненьні асоб, адказных за парушэньне правоў чалавека, з выкарыстаньнем інструмэнтаў унівэрсальнай юрысдыкцыі і іншых міжнародных мэханізмаў.
Яна таксама зоймецца фармаваньнем стратэгіі працы па прававых пытаньнях Офісу Ціханоўскай і падрыхтоўкай нарматыўна-прававых дакумэнтаў для транзытнага пэрыяду.
Зь сярэдзіны 2021 году Рыхтэр працавала юрыстам у Офісе Сьвятланы Ціханоўскай. Яна каардынавала альтэрнатыўны даклад па выкананьні Беларусьсю Мэтаў устойлівага разьвіцьця ААН.
