Паводле яго слоў, сёньняшні абстрэл Херсона расейскім войскам — гэта ня толькі ваеннае злачынства, але і спроба адпомсьціць жыхарам горада, якія супраціўляліся акупацыі і даказалі ўсяму сьвету, што Херсон — гэта Ўкраіна.
«Украіна зможа прадухіліць такія трагедыі, калі будзе мець больш сродкаў контрбатарэйнай барацьбы, больш артылерыі і больш дальнабойных боепрыпасаў. Такім чынам, расейскія забойцы будуць пакараныя і выгнаныя з Украіны», — падкрэсьліў міністар.
У выніку абстрэлу расейскімі вайскоўцамі цэнтра Херсона раніцай 24 сьнежня дзесяць чалавек загінулі, 55 былі параненыя.
