14 сьнежня Палата прадстаўнікоў Нацыянальнага сходу РБ прыняла яго адразу ў двух чытаньнях.
Устанаўліваецца новая падстава страты грамадзянства — у сувязі з «наяўнасьцю прыгавору суду, які ўступіў у законную сілу, пацьвярджае ўдзел асобы ў экстрэмісцкай дзейнасьці або прычыненьне ім цяжкай шкоды інтарэсам Беларусі, калі такая асоба знаходзіцца за межамі Беларусі».
У сувязі з гэтым без грамадзянства могуць застацца дэмакратычная лідэрка Сьвятлана Ціханоўская, былы дыплямат Павал Латушка і іншыя вядомыя прадстаўнікі дэмакратычных сіл, якіх улады называюць экстрэмістамі і завочна перасьледуюць у крымінальным парадку.
Артыкул 10 Канстытуцыі абвяшчае, што «ніхто ня можа быць пазбаўлены грамадзянства Рэспублікі Беларусь або права зьмяніць грамадзянства», але «набыцьцё і спыненьне грамадзянства ажыцьцяўляюцца ў адпаведнасьці з законам».
