Канцлер Нямеччыны Оляф Шольц дапускае далейшыя перамовы з расейскім прэзыдэнтам Уладзімірам Пуціным аб заканчэньні вайны Расеі супраць Украіны. Аб гэтым ён заявіў у інтэрвію выданьню Süddeutsche Zeitung (SZ), якое апублікавалі 17 сьнежня, піша DW.
Па словах Шольца, мэта Нямеччыны ў тым, каб Расея спыніла вайну, а Ўкраіна абараніла сваю цэласнасьць. Дзеля гэтага «неабходна гаварыць», лічыць канцлер. Як пройдуць будучыя перамовы — «па відэасувязі, тэлефоне або за доўгім сталом» — Шольц пакуль ня ведае.
Кіраўнік нямецкага ўраду адзначыў, што Масква павінна зразумець, што так больш працягвацца ня можа — Пуціну трэба вывесьці войскі, спыніць вайну і стварыць магчымасьць для ўзаемаразуменьня. У сьвятле ваенных няўдач РФ канцлер зазначыў, што вялікая магчымасьць эскаляцыі на полі бою.
Раней Шольц заявіў, што Пуцін «фундамэнтальна пралічыўся», недаацаніўшы адзінства краін Эўропы і Захаду ў імкненьні дапамагчы Ўкраіне. Спроба арганізаваць газавы крызіс у Нямеччыне будзе няўдалай, упэўнены канцлер. Ён ня бачыць небясьпекі газавага крызісу ні гэтай, ні наступнай зімой праз расейскі газ. Пераадолець праблемы дапаможа адмысловая праграма ўраду, выкліканая зьмякчыць наступствы для грамадзян.
