Падрабязнасьці інцыдэнту падаў тэлеканал «Гродна Плюс».
Сэрбскі дальнабойнік вёз з напарнікам груз у Казахстан. Яшчэ на тэрыторыі Польшчы яму стала кепска, але да мэдыкаў ён зьвяртацца ня стаў.
— Плянаваў звярнуцца да беларускіх лекараў. Не пасьпеў, — сказала вядучая «Гродна Плюс».
Мужчыны прыехалі ў «Бераставіцу» і сэрб прайшоў у залю для падачы дакумэнтаў. На запісе з камэры відэаназіраньня беларускага пункта пропуску бачна, як мужчына сеў на лаўку, страціў прытомнасьць і ўпаў на падлогу.
Мэдыкі, якія прыбылі на месца, канстатавалі сьмерць кіроўцы.
— Магчыма, прычынай сьмерці магла стаць сардэчная недастатковасьць на фоне стомленасьці і нэрвовага перанапружаньня, — сказаў на камэру фельчар.
Работнік моргу, які дасьледаваў цела, заявіў, што было выяўлена кровазьліцьцё ў падстраўнікавую залозу, а таксама «хваравіта зьмененае сэрца, аорта і сардэчныя сасуды», паведамляе Zerkalo.
