Амэрыканская кінаакадэмія ўручала «Оскар» у 94-ы раз.
Ляўрэаты:
- Найлепшы фільм: «CODA»;
- Найлепшая рэжысэрская праца: Джэйн Кэмпіён — «Улада сабакі» («The Power of the Dog»);
- Найлепшы актор: Уіл Сьміт — «Кароль Рычард» («King Richard», роля Рычарда Ўільямса);
- Найлепшая акторка: Джэсіка Чэстэйн — «Вочы Тэмі Фэй» («The Eyes of Tammy Faye», роля Тэмі Фэй Бэкер);
- Найлепшы актор другога пляну: Трой Кацур — «CODA» (роля Фрэнка Росі);
- Найлепшая акторка другога пляну: Арыяна ДэБос — «Уэстсайдзкая гісторыя» («West Side Story», роля Аніты);
- Найлепшы арыгінальны сцэнар: Кенэт Бранаг — «Бэлфаст» («Belfast»);
- Найлепшы адаптаваны сцэнар: Сіян Хедэр — «CODA»;
- Найлепшы анімацыйны поўнамэтражны фільм: «Энканта» («Encanto»);
- Найлепшы анімацыйны кароткамэтражны фільм: Альбэрта М’ельга і Леа Санчэс — «Шклоачышчальнік» («The Windshield Wiper»);
- Найлепшы фільм на замежнай мове: «Кіруй маёй машынай» («Drive My Car») (Японія), рэжысэр Русукэ Хамагуці;
- Найлепшая музыка да фільму: Ганс Цымэр — «Дзюна» («Dune»);
- Найлепшая песьня да фільму: No Time to Die («Ня час паміраць»), музыка і словы: Білі Айліш і Фінэас О’Конэл;
- Найлепшы мантаж: Джо Ўолкер — «Дзюна» («Dune»);
- Найлепшая апэратарская праца: Грэг Фрэйзэр — «Дзюна» («Dune»);
- Найлепшая праца мастака: Патрык Вэрміт (пастаноўшчык), Сюзана Сіпас (дэкаратар) — «Дзюна» («Dune»);
- Найлепшы дызайн касьцюмаў: Джэні Бэван — «Круэлла» («Cruella»);
- Найлепшы гук: Мак Рут, Марк Манджыні, Тэа Грын, Даг Гэмфіл і Рон Бартлет — «Дзюна» («Dune»);
- Найлепшыя візуальныя эфэкты: Пол Лямберт, Трыстан Майлз, Браян Конар і Герд Нефзэр — «Дзюна» («Dune»);
- Найлепшы грым і прычоскі: Лінда Доўдс, Стэфані Інгрэм і Джастын Рэйлі — «Вочы Тэмі Фэй» («The Eyes of Tammy Faye»);
- Найлепшы дакумэнтальны поўнамэтражны фільм: Амір Томпсан, Джозэф Патэль, Робэрт Файвалент і Дэвід Дынэрштайн — «Лета соўлу» («Summer of Soul»);
- Найлепшы дакумэнтальны кароткамэтражны фільм: Бэн Праўдфут — «Каралева баскетболу» («The Queen of Basketball»);
- Найлепшы гульнявы кароткамэтражны фільм: Аніл Карыя і Рыз Ахмэд — «Доўгае разьвітаньне» («The Long Goodbye»).
Перад уручэньнем прэміі адбылася хвіліна маўчаньня па ахвярах расейскага нападу на Ўкраіну. Арганізатары заклікалі да больш рашучых захадаў міжнароднай супольнасьці, каб прадухіліць гібель і бежанства мірнага насельніцтва. Яны нагадалі, што ва Ўкраіне сёньня шмат тых, каму не хапае цяпла, вады, дому і ежы праз ваенную агрэсію.
Найлепшы фільм году «CODA» — гэта камэдыйна-драматычны фільм 2021 году выхаду на экраны, які распавядае пра сталеньне. Англамоўны рымэйк францускага фільму La Famille Bélier 2014 году з Эміліяй Джонс у ролі дзіцяці глухіх дарослых, адзінага члена сям’і, які маеслых. Гераіня з усіх сіл спрабуе ўраўнаважваць свае спробы дапамогі сваёй сям’і ў няпростым рыбным бізнэсе і свае ўласныя жыцьцёвыя памкненьні.
Фільм «Courage» беларускага рэжысэра Аляксея Палуяна пра пратэсты ў Беларусі 2020 году быў у шырокім сьпісе ў катэгорыі «Найлепшы дакумэнтальны фільм», аднак у фінальны сьпіс намінантаў на прэмію «Оскар» ня трапіў.
