«Навучальны дапаможнік „Беларуская мова для кітайскіх студэнтаў“ выдадзены ў БДУ. Яго аўтарам зьяўляецца кандыдат філялягічных навук, дацэнт Лідзія Сямешка. Фактычна гэта падручнік, падрыхтаваны паводле сучаснай мэтодыкі выкладаньня і вывучэньня беларускай мовы як замежнай», — праінфармавалі ў прэс-службе ВНУ.
У кнізе блізу 300 старонак, яна арыентаваная на засваеньне беларускай лексыкі, граматыкі, вымаўленьня, успрыманьня на слых, чытаньня, пісьма і гутарковай мовы.
Матэрыял ахоплівае слоўнікавы запас, неабходны ў штодзённых зносінах. Гэта тэмы знаёмства, сям’і, працы, вучобы і г. д. Пры гэтым кітайскія студэнты могуць вывучаць беларускую мову як з выкладчыкам, так і самастойна, удакладняецца ў прэс-рэлізе.
Кітайскія студэнты — самыя шматлікія іншаземцы, якія вучацца ў беларускіх ВНУ. Агулам іх больш за 3 тысячы.
Таксама дапаможнікам забясьпечаць паўтара дзясятка цэнтраў вывучэньні беларускай культуры пры навуковых установах Кітая.
