Затрыманыя прызналіся, што ў далейшым плянавалі працягнуць сваё падарожжа ў краіны Эўрапейскага зьвязу, інфармуе ТАСС.
Пра гэта затрыманьне паведаміла прэс-служба Дзяржаўнай памежнай службы Ўкраіны на афіцыйным сайце ведамства.
«Учора памежнікі Луцкага атраду (Валынская вобласьць, Заходняя Ўкраіна) затрымалі двух мужчын, якія незаконным чынам трапілі на тэрыторыю Ўкраіны зь Беларусі», — гаворыцца ў паведамленьні.
Памежнікі ўдакладнілі, што пасьля незаконнага перасячэньня мяжы іх выявілі паблізу пункту пропуску «Пища». «Мужчыны мелі пры сабе дакумэнты, аднак дзяржаўную мяжу вырашылі перасекчы незаконна. Акрамя таго, затрыманыя прызналіся, што ў далейшым плянавалі працягнуць сваё падарожжа ў краіны ЭЗ, таксама нелегальна», — праінфармавалі ў Дзяржпагранслужбе Ўкраіны.
У прэс-службе ведамства дадалі, што затрыманых даставілі ў памежны атрад для прыняцьця рашэньня аб прыцягненьні іх да адказнасьці за адміністрацыйнае правапарушэньне па артыкуле аб незаконным перасячэньні мяжы Ўкраіны.
Пра асобы затрыманых пакуль не паведамляецца.