Тацяна Ласіца — памочніца гомельскага праваабаронцы Леадіна Судаленкі. Яе затрымалі 21 студзеня і абвінавацілі ў падрыхтоўцы дзеяньняў, што груба парушаюць грамадзкі парадак.
Самога Леаніда Судаленку затрымалі 18 студзеня за тое, што ён дапамагаў аплачваць штрафы пратэстоўцам. Яго абвінавацілі ў фінансаваньні масавых беспарадкаў. Праваабаронцы яго таксама абʼявілі палітвязьнем.
«Праваабарончая дзейнасьць зьяўляецца легітымнай грамадзкай дзейнасьцю, і перасьлед за ажыцьцяўленьне такой дзейнасьці зьяўляецца абсалютна непрымальным, грубейшым парушэньнем правоў чалавека з боку прадстаўнікоў афіцыйных уладаў», — адзначылі ў сваёй заяве праваабарончыя арганізацыі Беларусі.
Яны запатрабавалі неадкладна вызваліць палітвязьняў і спыніць ціск на праваабаронцаў краіны.
Цяпер у Беларусі 220 палітычных зьняволеных.
