Капсула з узорамі астэроіда прызямлілася ў аддаленым раёне Аўстраліі. Такім чынам касьмічны апарат «Хаябуса-2» завяршыў сваю місію даўжынёй 5 мільярдаў кілямэтраў.
Касьмічны зонд «Хаябуса-2» запусьцілі ў 2014 годзе. У 2018 годзе ён прыляцеў да астэріда Ругу. Паўтара году аглядаў яго, а потым зрабіў дзьве пасадкі і ўзяў узоры, якія 5 сьнежня ў капсуле прыбылі на Зямлю.
Навукоўцы спадзяюцца, што ўзоры дапамогуць болей зразумець пра ўзьнікненьне жыцьця і Сусьвету. Ня выключана, што падобныя астэроіды ўплывалі на Зямлю і маглі прыносіць на яе паверхню ваду або арганічныя матэрыялы.
