Ранкам 11 верасьня каля Гомельскага дзяржаўнага тэхнічнага ўнівэрсытэту імя Паўла Сухога затрымалі выкладчыка інфарматыкі. Пра гэта Свабодзе паведамілі студэнты, якія сталі сьведкамі затрыманьня.
«Вадзім Бельскі — выкладчык інфарматыкі, ён кандыдат эканамічных навук. Ён выйшаў падтрымаць шахтара, які прыкаваў сябе ўчора кайданкамі на „Беларуськаліі“. Яго практычна адразу затрымала міліцыя», — удакладніў адзін са студэнтаў.
Цяпер выкладчык знаходзіцца ў першым аддзяленьні міліцыі Савецкага РАУС. Там адмаўляюцца сказаць, за што менавіта затрыманы Вадзім Бельскі.
Студэнты плянуюць сабрацца ў падтрымку выкладчыка каля ўнівэрсытэту.
