Папа рымскі Францішак выказаў заклапочанасьць сучаснай рыторыкай палітыкаў і папярэдзіў пра небясьпекі нацыяналізму ў інтэрвію італьянскаму выданьню La Stampa.
«Я занепакоены, бо мы чуем прамовы, якія нагадваюць прамовы Гітлера ў 1934 годзе, — цытуе папу La Stampa — Мы першыя. Мы... Мы... Гэтыя думкі палохаюць».
Камэнтары папы Францішка зьявіліся пасьля таго як намесьнік прэм’ер-міністра Італіі Матэа Сальвіні заклікаў распусьціць парлямэнт і прызначыць датэрміновыя выбары.
Папа таксама сказаў, што мігрантаў трэба інтэграваць у грамадзтва. Ён назваў нацыяналізм «стаўленьнем ізаляцыі».
