Падзеі 24 сакавіка ў беларускай і сусьветнай гісторыі.
Дата дня
24 сакавіка 1794 году ў Рэчы Паспалітай пачалося ўзброенае вызваленчае паўстаньне пад кіраўніцтвам Тадэвуша Касьцюшкі. Паўстаньне ставіла мэтай скасаваньне Першага і Другога падзелаў Рэчы Паспалітай, якія адбыліся ў 1772 і 1793 гадах.
Таксама ў гэты дзень
1882 — Роберт Кох абвясьціў аб адкрыцьці бактэрыі сухотаў.
1919 — у Гомелі пачалося антысавецкае паўстаньне пад кіраўніцтвам Уладзімера Стракапытова.
1984 — праведзены першы пробны рэйс першай лініі Менскага мэтро.
1996 — на заклік БНФ некалькі 30 000 чалавек выйшлі на вуліцы Менску, каб адзначыць Дзень Волі і выказаць пратэст супраць беларуска-расейскай інтэграцыі. Дзень Волі-1996 стаў найбольш масавай акцыяй за ўсё гісторыю сьвяткаваньня ўгодкаў БНР.
1999 — Пачатак бомбавых удараў NATO па Югаславіі.
2005 — у Кіргізстане пасьля народных хваляваньняў (тульпанавая рэвалюцыя) быў зрынуты прэзыдэнт Аскар Акаеў.
2006 — у Менску пасьля 4-х дзён існаваньня разагнанае намётавае мястэчка, створанае падчас акцыяў пратэсту супраць фальсыфікацыі прэзыдэнцкіх выбараў.
2011 — у Менску асудзілі двух лідэраў «Маладога фронту» Зьмітра Дашкевіча і Эдуарда Лобава да 2 і 4 гадоў калёніі. Гэта была сэрыя судовых працэсаў за Плошчу 2010, хаця гэтыя два актывісты былі прэвэнтыўна затрыманыя яшчэ 18 сьнежня 2010 нібыта за ўчыненую на вуліцы бойку.
У гэты дзень нарадзіліся
1945 — Аляксей Глебаў, беларускі скульптар.
1949 — Нік Лоў, брытанскі сьпявак.
1956 — Стыў Балмэр, прэзыдэнт карпарацыі «Microsoft» у 2000-2014 гадах.
У памяці
1905 — памёр Жуль Вэрн, францускі пісьменьнік-фантаст.
1980 — памёр Пятрусь Броўка, беларускі літаратар і перакладчык.
