Ініцыятыва ўшанаваньня героя Беларусі, Польшчы і ЗША належыць швайцарскім беларусам. Аднак напярэдадні адкрыцьця адбыўся канфлікт. Польская амбасада выступіла супраць надпісу на шыльдзе: «Выбітнаму сыну Беларусі ад удзячных суайчыньнікаў». У выніку гэты тэкст так і не зьявіўся на шыльдзе, аднак беларусы прыйшлі на адкрыцьцё помніку з расьцяжкай «Выдатнаму сыну Беларусі ад удзячных суайчыньнікаў».
На адкрыцьці помніка прысутнічалі дыпляматы Беларусі, Польшчы і Літвы, дырэктарка сядзібы-музэю Касьцюшкі ў Косаве (Івацэвіцкі раён) Натальля Сушко. Польскі консул прачытаў зварот ад пасла Якуба Кумаха на беларускай мове.
