Стакгольмская паліцыя лічыць, што адзін з затрыманых быў непасрэдным выканаўцам злачынства.
7 красавіка невядомы на скрадзеным грузавіку заехаў у натоўп людзей, пасьля чаго ўрэзаўся ў будынак гандлёвага цэнтру. Машына загарэлася.
Швэдзкае тэлебачаньне са спасылкай на крыніцы ў органах сьледзтва паведамляе, што падчас агляду аўтамабіля была знойдзеная сумка з выбухоўкай.
4 чалавекі загінулі, 15 былі параненыя. 9 пацярпелых знаходзяцца ў цяжкім стане. Паліцыя апытвае сьведкаў здарэньня.
Сёньня жыхары горада нясуць да месца трагедыі кветкі і зьнічкі. Кароль Швэцыі Карл XVI Густаў выказаў спачуваньне родным загінулых і пацярпелых.
