Як паведаміла прэс-сакратар Сьледчага камітэту Юлія Ганчарова, «усебакова і старанна высьвятляюцца ўсе абставіны здарэньня».
«На сёньня сьледчыя атрымалі паказаньні больш чым ста сьведкаў. Далучаныя да матэрыялаў справы і прааналізаваныя вынікі больш за 30 экспэртных дасьледаваньняў. У мэтах паглыбленага вывучэньня асобы падазраванага і матываў зьдзейсьненага злачынства правядзеньне стацыянарнай комплекснай псыхоляга-псыхіятрычнай экспэртызы падоўжанае. Мера стрыманьня застаецца ранейшай — зьняволеньне пад вартай».
8 кастрычніка 17-гадовы хлопец з бэнзапілой напаў на людзей у гандлёвым цэнтры «Новая Эўропа». У выніку здарэньня адна жанчына загінула, яшчэ адна атрымала сур’ёзнае раненьне.
