Удзельнікі гэтай акцыі рэканструявалі ў Санкт-Пецярбургу фрагмэнт Майдана: падпалілі некалькі покрывак, разгарнулі сьцягі Украіны і чорныя сьцягі, нагадваючы мінакам аб паўстаньні ў цэнтры Кіева. Паўленскага затрымалі, абвінавацілі ў вандалізьме
Гутаркі мастака са сьледчым, якія Паўленскі запісаў, ператварыліся ў трохактавую п’есу: яна апублікавана і гатовая да тэатральнай пастаноўкі.
Камэнтуючы для Радыё Свабода сваё стаўленьне да падзеяў ва Ўкраіне, Паўленскі ў прыватнасьці сказаў:
«Я не падтрымліваю ні ў якім выглядзе агрэсію Расеі. Але ў большай ступені я не падтрымліваю нават не агрэсію дзяржавы як сілавой структуры, а грамадзкую падтрымку гэтай агрэсіі...
Дзяржава — апарат гвалту, там геапалітычныя, эканамічныя, ваенна-стратэгічныя інтарэсы, гэта ўсё ясна. Але грамадзтва ў гэтай сытуацыі праявіла сябе як абсалютна шызафрэнічнае».
Цалкам гутарку зь Пятром Паўленскім можна пачытаць на сайце расейскай службы нашага радыё.
