Як паведаміў Свабодзе Дзяніс Садоўскі, гэта здарылася на выбарчым участку № 53: «Прыкладна гадзіну таму назіральніца ад БХД на гэтым выбарчым участку Галіна Каржанеўская паведаміла, што на ўчастак ў масавым парадку дастаўляюць студэнтаў дзеля датэрміновага галасаваньня. На заўвагу старшыні камісіі назіральніца была выдаленая з выбарчага ўчастку. Я мусіў ехаць і высьветліць прычыну гэтых незаконных дзеяньняў.
Спачатку мяне не хацелі пускаць на ўчастак, а пасля таго, як я паабяцаў напісаць скаргу, сталі не выпускаць з яго. У выніку старшыня камісіі і яго намесьнік зьвінавацілі мяне ў нібыта неадэкватных паводзінах і выклікалі міліцыю.
Супрацоўнікі Кастрычніцкага РУУС затрымалі мяне і абавязалі прайсьці мэдычную экспэртызу на наяўнасьць алькагольнага ап’яненьня, што экспэртыза не падцьвердзіла. Зараз я знаходжуся ў Кастрычніцкім РУУС, ніякіх дзеяньняў адносна мяне не праводзіцца, але зь перамоваў міліцыянтаў можна меркаваць, што на мяне зьбіраюцца скласьці адміністрацыйны пратакол паводле артыкула 17.1 аб дробным хуліганстве».
Спачатку мяне не хацелі пускаць на ўчастак, а пасля таго, як я паабяцаў напісаць скаргу, сталі не выпускаць з яго. У выніку старшыня камісіі і яго намесьнік зьвінавацілі мяне ў нібыта неадэкватных паводзінах і выклікалі міліцыю.
Супрацоўнікі Кастрычніцкага РУУС затрымалі мяне і абавязалі прайсьці мэдычную экспэртызу на наяўнасьць алькагольнага ап’яненьня, што экспэртыза не падцьвердзіла. Зараз я знаходжуся ў Кастрычніцкім РУУС, ніякіх дзеяньняў адносна мяне не праводзіцца, але зь перамоваў міліцыянтаў можна меркаваць, што на мяне зьбіраюцца скласьці адміністрацыйны пратакол паводле артыкула 17.1 аб дробным хуліганстве».
