У Менск прыбыла адна з найшанаваных хрысьціянскіх рэліквіяў «Дары трох Каралёў». Гэта некалькі залалах плястынак з вырабленымі на іх узорамі, а таксама некалькі каліваў ладану і сьмірны, нанізаныя на срэбныя ніткі.
Паводле Эвангельля, гэтыя дары нованароджанаму Хрысту прынесьлі ў падарунак тры каралі Каспар, Мэльхіёр і Бальтазар, якіх таксама называюць трыма мудрацамі альбо трыма вешчунамі з Усходу.
Рэліквія прыбыла самалётам у менскі аэрапорт з Санкт-Пецярбургу і была дастаўлена ў храм Ёвы Шматпакутнага пры Доме міласэрднасьці. Яе суправаджае дэлегацыя манахаў на чале з настаяцелем мужчынскага кляштара Сьвятога Паўла на гары Афон у Грэцыі архімандрытам Парфеніем.
У вітальным слове архімандрыт падкрэсьліў, што «Дары Трох Каралёў» знаходзяцца ў кляштары Сьвятога Паўла 500 гадоў і за гэты час упершыню пакінулі межы Грэцыі, каб пілігрымаваньне сьвятыні прайшло па духоўнай тэрыторыі Расейскай праваслаўнай царквы. Гэтак сьвятыня пабывала ў Маскве, Санкт-Пецярбургу, а зь Менску будзе накіраваная ў Кіеў.
Мітрапаліт Менскі і Слуцкі Павал, які сустракаў «Дары Трох Каралёў» у храме Ёвы Шматпакутнага, вітаючы гасьцей, адзначыў, што прыбыцьцё сьвятыні ёсьць вялікай духоўнай падзеяй на беларускай зямлі. Ён падзякаваў грэцкім манахам за арганізацыю пілігрымаваньня дароў, а таксама прысутным кіраўнікам Менгарвыканкаму, якія прысутнічалі на сустрэчы ў поўным складзе. Арцыпастыр таксама заклікаў прысутных вернікаў, на ўзор Трох Каралёў, разам з паклонам Хрысту прынесьці яму ў падарунак свае добрыя справы і годнае жыцьцё.
Доступ для ўшанаваньня «Дароў Трох Каралёў» распачаўся а 18:30. Да гэтага часу каля храма сабралася чарга ў некалькі тысяч чалавек. Доступ да сьвятыні будзе з 8:00 да 22:00 да 24 студзеня.
Мітрапаліт Павал, а за ім зь непакрытай галавой старшыня Менгарвыканкаму Мікалай Ладуцька
