ПАДЗЕІ ДНЯ
У Нацыянальнай бібліятэцы адбудзецца ўрачыстая цырымонія падпісаньня да друку першага тома поўнага збору твораў Францішка Скарыны. Пачатак а 15-й гадзіне.
У Музэі сучаснага выяўленчага мастацтва аб 11-й гадзіне пачнецца трохдзённы сямейны фэстываль, разьлічаны на дзяцей. Уваход будзе каштаваць 12 тысяч рублёў (дзеці да 3-х гадоў бясплатна).
Старшыня Дзяржаўнага мытнага камітэту Аляксандар Шпілеўскі правядзе «наўпроставую тэлефонную лінію» з насельніцтвам ад 10-й да 11-й гадзіны. Паспрабаваць задаць пытаньне можна на менскі нумар (17) 219-41-00.
ДЗЕНЬ У ГІСТОРЫІ
1926 – выйшаў на экраны адзін зь першых беларускіх мастацкіх фільмаў «Лясная быль». Зьняў яго кінарэжысэр Юры Тарыч паводле аповесьці Міхася Чарота «Сьвінапас».
1973 – прызямліўся касьмічны карабель Саюз-13, на борце якога быў і беларус Пётра Клімук.
1991 – СССР спыніў існаваньне як суб'ект міжнароднага права.
У гэты дзень нарадзіліся:
1891 – Генры Мілер, амэрыканскі пісьменьнік і мастак.
1893 – Мао Цзэдун, кітайскі дзяржаўны дзяяч.
1893 – Яўген Цікоцкі, беларускі кампазытар.
У гэты дзень памерлі:
1890 – Генрых Шліман, нямецкі археоляг, які раскапаў старажытную Трою.
1937 – Антон Ждановіч, беларускі актор тэатра.
1937 – Мікалай Касьпяровіч, беларускі этнограф і мовазнавец.
1940 – Баляслаў Пачопка, сьвятар, беларускі грамадзкі дзеяч.
1976 – у аўтамабільнай катастрофе загінулі Старшыня Прэзыдыюму Вярхоўнага Савету БССР Фёдар Сурганаў і камандуючы паветранай арміяй генэрал-лейтэнант Леанід Бяда.
ЦЫТАТА НА ПАМЯЦЬ
У момант, калі чалавек надае поўную ўвагу любой рэчы – нават травінцы – яна робіцца таямнічым, захапляльным, неапісальна цудоўным сьветам у сабе.
Генры Мілер
