Памёр першы чорны прэзыдэнт ПАР і змагар з апартайдам Нэльсан Мандэла. Пра гэта паведаміў цяперашні кіраўнік дзяржавы Джэйкаб Зума.
Нэльсан Мандэла быў кіраўніком ПАР у пераходны пэрыяд ад улады апартайду, калі краінай кіравала белая меншыня. Перад гэтым ён правёў 27 гадоў у турме.
Фотагалерэя:
Нэльсан Мандэла — жыцьцё ў фотаздымках
На працягу амаль трох дзесяцігодзьдзяў Нэльсан Мандэла быў адным з самых вядомых у сьвеце вязьняў сумленьня. Яго доўгае турэмнае зьняволеньне на востраве Рабэн у Паўднёвай Афрыцы паводле абвінавачаньня ў сабатажы зрабіла яго адной з самых магутных постацяў руху супраць апартэіду. Пасьля таго, як ён быў вызвалены ў 1990 годзе, ён стаў першым прэзыдэнтам Паўднёвай Афрыкі, абраным на шматрасавых выбарах. Ён займаў пасаду прэзыдэнта з 1994 па 1999, у часы дэмантажу спадчыны апартэіду. Ён атрымаў больш за 250 узнагарод, у тым ліку Нобэлеўскую прэмію міру. Ён памёр 5 сьнежня 2013 году ва ўзросьце 95 гадоў.
