Яго прыйшлі сустракаць больш за 20 чалавек, сярод якіх калегі з Радыё Рацыя, журналіст Зьміцер Галко, праваабаронца Валянцін Стэфановіч, прадстаўнікі кампаніі «Гавары праўду» Андрэй Дзтмітрыеў і Сяргей Вазьняк, прэс-сакратар БАЖ Барыс Гарэцкі, жонка палітвязьня Паўла Вінаградава Сьвятлана і іншыя.
Перад вызваленьнем да Аляксандра Ярашэвіча прыходзіў начальнік турмы на Акрэсьціна і папярэдзіў яго, каб не было лёзунгаў і сымболікі.
Разам са сваім калегай Зьмітром Галко ён быў затрыманы ўвечары 6 траўня.
Журналістаў даставілі ў міліцыю Маскоўскага раёну Менск, дзе склалі пратаколы.
Іх зьвінавацілі ў хуліганстве і непадпарадкаваньні супрацоўнікам міліцыі. Галко быў асуджаны на 10 сутак арышту, а Ярашэвіч на 12.
