Беларускія ўлады вырашылі выпусьціць польскую грамадзянку Тэрэсу Стшэлец, ад якой дамагаліся каля 200 мільёнаў рублёў мытных плацяжоў за аўтамабіль, пакінуты ёю летась на рамонт у Берасьці.
Пра гэтае рашэньне паведаміў начальнік упраўленьня арганізацыі мытнага кантролю Мытнага камітэту Беларусі Ўладзімір Арлоўскі, перадае БЕЛТА:
«Беларускі бок прыняў рашэньне аб зьняцьці абмежаваньняў на выезд польскай грамадзянкі Тэрэсы Стшэлец.
У адпаведнасьці з заканадаўствам Рэспублікі Беларусь грамадзянін, які мае непагашаную запазычанасьць, абмяжоўваецца ў выезьдзе з краіны. Разам з тым, нягледзячы на наяўнасьць нявыкананых польскай грамадзянкай абавязацельстваў, сёньня беларускім бокам з гуманных меркаваньняў было прынятае рашэньне аб зьняцьці абмежаваньняў на выезд грамадзянкі Стшэлец. Яна можа пакінуць Рэспубліку Беларусь у любы час», — заявіў спадар Арлоўскі.
Спадарыня Стшэлец больш за месяц не магла пакінуць Беларусь, пасьля таго як ёй анулявалі беларускую візу. На гэтым тыдні яна абвясьціла галадоўку пратэсту, знаходзячыся ў польскім кансуляце ў Берасьці.
Тэрэса Стшэлец пачула навіну пра вызваленьне ад карэспандэнта Свабоды, не адразу паверыла і папрасіла прачытаць два разы. Яе першай рэакцыяй былі радасьць і сьлёзы:
— Я ўжо свабодная?
— Так.
— Езус! Ня веру! О, Матка Боская! І гэтую навіну перадалі? Я сапраўды шакаваная! Я ўжо хачу ехаць дадому! Сёньня, зараз! Якраз сёньня я паскладала свае рэчы, ня ведаючы гэтай навіны. Гэта была нейкая інтуіцыя, ці што. Торбы праўда стаяць пад шафай.
Але ў чацьвер выехаць зь Беларусі ня ўдасца, бо польскі кансулят у Берасьці, дзе яна працягвае галадоўку пратэсту, цяпер ужо закрыты і пастаўлены на ахову. Хутчэй за ўсё, паедзе спадарыня Стшэлец зь Беларусі толькі раніцай, у суправаджэньні консула.
У сувязі з гэтай навіною Тэрэса Стшэлец вырашыла спыніць галадоўку, выпіць соку.
Пра гэтае рашэньне паведаміў начальнік упраўленьня арганізацыі мытнага кантролю Мытнага камітэту Беларусі Ўладзімір Арлоўскі, перадае БЕЛТА:
«Беларускі бок прыняў рашэньне аб зьняцьці абмежаваньняў на выезд польскай грамадзянкі Тэрэсы Стшэлец.
У адпаведнасьці з заканадаўствам Рэспублікі Беларусь грамадзянін, які мае непагашаную запазычанасьць, абмяжоўваецца ў выезьдзе з краіны. Разам з тым, нягледзячы на наяўнасьць нявыкананых польскай грамадзянкай абавязацельстваў, сёньня беларускім бокам з гуманных меркаваньняў было прынятае рашэньне аб зьняцьці абмежаваньняў на выезд грамадзянкі Стшэлец. Яна можа пакінуць Рэспубліку Беларусь у любы час», — заявіў спадар Арлоўскі.
Спадарыня Стшэлец больш за месяц не магла пакінуць Беларусь, пасьля таго як ёй анулявалі беларускую візу. На гэтым тыдні яна абвясьціла галадоўку пратэсту, знаходзячыся ў польскім кансуляце ў Берасьці.
Тэрэса Стшэлец пачула навіну пра вызваленьне ад карэспандэнта Свабоды, не адразу паверыла і папрасіла прачытаць два разы. Яе першай рэакцыяй былі радасьць і сьлёзы:
— Я ўжо свабодная?
— Так.
— Езус! Ня веру! О, Матка Боская! І гэтую навіну перадалі? Я сапраўды шакаваная! Я ўжо хачу ехаць дадому! Сёньня, зараз! Якраз сёньня я паскладала свае рэчы, ня ведаючы гэтай навіны. Гэта была нейкая інтуіцыя, ці што. Торбы праўда стаяць пад шафай.
Але ў чацьвер выехаць зь Беларусі ня ўдасца, бо польскі кансулят у Берасьці, дзе яна працягвае галадоўку пратэсту, цяпер ужо закрыты і пастаўлены на ахову. Хутчэй за ўсё, паедзе спадарыня Стшэлец зь Беларусі толькі раніцай, у суправаджэньні консула.
У сувязі з гэтай навіною Тэрэса Стшэлец вырашыла спыніць галадоўку, выпіць соку.
