Віцэ-прэзыдэнт Эўрапарлямэнту Яцэк Пратасевіч выказаў занепакоенасьць адмовай уладаў Беларусі выпусьціць з тэрыторыі краіны грамадзянку Польшчы.
Эўрапарлямэнт плянуе інтэрвэнцыю ў справе полькі Тэрэсы Стшэлец, якая галадае на тэрыторыі генэральнага кансуляту Польшчы ў Берасьці. Больш за месяц яе не выпускаюць дадому, патрабуючы сплаціць з машыны мыта, якое яна не прызнае законным.
Як інфармуе Польскае радыё, Яцэк Пратасевіч заявіў у Брусэлі, што зьбіраецца размаўляць на гэтую тэму з амбасадарам Эўразьвязу ў Беларусі:
«Гэтая полька — грамадзянка Эўразьвязу, і ўсялякае бяспраўе, незразумелыя дзеяньні ў адносінах да яе абцяжваюць ня толькі адносіны Беларусі і Польшчы, але і Беларусі з Эўразьвязам, якія беларускім уладам асабліва важныя з эканамічных меркаваньняў».
Справай спадарыні Стшэлец актыўна займаецца польскае МЗС. Сёньня туды выклікалі амбасадара Віктара Гайсёнка.
Аднак нічога канкрэтнага ён не сказаў, зазначыўшы, што «яе справай займаюцца МЗС Польшчы і Беларусі», перадае ПАП.
Эўрапарлямэнт плянуе інтэрвэнцыю ў справе полькі Тэрэсы Стшэлец, якая галадае на тэрыторыі генэральнага кансуляту Польшчы ў Берасьці. Больш за месяц яе не выпускаюць дадому, патрабуючы сплаціць з машыны мыта, якое яна не прызнае законным.
Як інфармуе Польскае радыё, Яцэк Пратасевіч заявіў у Брусэлі, што зьбіраецца размаўляць на гэтую тэму з амбасадарам Эўразьвязу ў Беларусі:
«Гэтая полька — грамадзянка Эўразьвязу, і ўсялякае бяспраўе, незразумелыя дзеяньні ў адносінах да яе абцяжваюць ня толькі адносіны Беларусі і Польшчы, але і Беларусі з Эўразьвязам, якія беларускім уладам асабліва важныя з эканамічных меркаваньняў».
Справай спадарыні Стшэлец актыўна займаецца польскае МЗС. Сёньня туды выклікалі амбасадара Віктара Гайсёнка.
Аднак нічога канкрэтнага ён не сказаў, зазначыўшы, што «яе справай займаюцца МЗС Польшчы і Беларусі», перадае ПАП.
