МЗС Польшчы выступіла з заявай, што зробіць усё, каб Тэрэса Стшэлец магла вярнуцца на радзіму.
Прэсавы сакратар МЗС Польшчы Марцін Басацкі паведаміў польскім СМІ, што ў справе спадарыні Стшэлец польскія дыпляматы зьвярталіся да кіраўніцтва мытнага камітэту Беларусі і мясцовых уладаў, у МЗС Польшчы быў выкліканы беларускі амбасадар. Супрацоўнікі польскага кансуляту ў Берасьці застаюцца ў сталым кантакце з Тэрэсай Стшэлец.
Паводле польскіх дыпляматаў, рашэньне беларускіх уладаў у справе спадарыні Стшэлец чакаецца 9 красавіка.
Тэрэса Стшэлец застаецца ў беларускім «палоне» ўжо месяц. Беларускія ўлады анулявалі яе візу і забаранілі выезд з краіны, на яе накладзены штраф у 200 мільёнаў рублёў за тое, што яна перадала сваю машыну беларускаму грамадзяніну.
Як паведамляў муж Тэрэсы Яраслаў, летась у красавіку сям’я Стшэльцаў выбралася на экскурсію ў Менск. Але ў Берасьці сапсаваўся рухавік машыны, 15-гадовага джыпа «Гранд Чэрокі». Машыну перадалі аўтамэханіку для рамонту. Пазьней Тэрэса хацела забраць машыну, але выявілася, што сын мэханіка скраў ключ. Падчас паездкі яго затрымала міліцыя, машыну канфіскавалі і прадалі.
Мытнікі вырашылі, што польская сям’я прыехала ў Беларусь на машыне, якую потым прадала, і Тэрэса як кіроўца павінна заплаціць мыта і падатак з продажу.
5 сакавіка, калі Тэрэса зноў прыехала ў Берасьце, мытнікі заявілі ёй, што яна даўжнік і разам зь пеняй мусіць заплаціць беларускай дзяржаве 200 мільёнаў рублёў. Паколькі польская сям’я заплаціць ня здолела, то памежнікі анулявалі Тэрэсе візу. Вярнуцца дамоў яна ня можа дагэтуль.
Прэсавы сакратар МЗС Польшчы Марцін Басацкі паведаміў польскім СМІ, што ў справе спадарыні Стшэлец польскія дыпляматы зьвярталіся да кіраўніцтва мытнага камітэту Беларусі і мясцовых уладаў, у МЗС Польшчы быў выкліканы беларускі амбасадар. Супрацоўнікі польскага кансуляту ў Берасьці застаюцца ў сталым кантакце з Тэрэсай Стшэлец.
Паводле польскіх дыпляматаў, рашэньне беларускіх уладаў у справе спадарыні Стшэлец чакаецца 9 красавіка.
Тэрэса Стшэлец застаецца ў беларускім «палоне» ўжо месяц. Беларускія ўлады анулявалі яе візу і забаранілі выезд з краіны, на яе накладзены штраф у 200 мільёнаў рублёў за тое, што яна перадала сваю машыну беларускаму грамадзяніну.
Як паведамляў муж Тэрэсы Яраслаў, летась у красавіку сям’я Стшэльцаў выбралася на экскурсію ў Менск. Але ў Берасьці сапсаваўся рухавік машыны, 15-гадовага джыпа «Гранд Чэрокі». Машыну перадалі аўтамэханіку для рамонту. Пазьней Тэрэса хацела забраць машыну, але выявілася, што сын мэханіка скраў ключ. Падчас паездкі яго затрымала міліцыя, машыну канфіскавалі і прадалі.
Мытнікі вырашылі, што польская сям’я прыехала ў Беларусь на машыне, якую потым прадала, і Тэрэса як кіроўца павінна заплаціць мыта і падатак з продажу.
5 сакавіка, калі Тэрэса зноў прыехала ў Берасьце, мытнікі заявілі ёй, што яна даўжнік і разам зь пеняй мусіць заплаціць беларускай дзяржаве 200 мільёнаў рублёў. Паколькі польская сям’я заплаціць ня здолела, то памежнікі анулявалі Тэрэсе візу. Вярнуцца дамоў яна ня можа дагэтуль.
