Прыём заявак на літаратурную прэмію Гедройца скончаны

29 сьнежань 2012, 16:32

Валянціна Аксак

Пра гэта паведаміў сакратар журы прэміі Павал Анціпаў. Пры гэтым ён удакладніў, што апублікаваны раней сьпіс прэтэндэнтаў павялічыўся на восем кніг.

За апошні месяц у яго дадаліся наступныя кнігі:

Сяргей Балахонаў. «Зямля пад крыламі Фенікса. (Нарысы з паралельнай гісторыі Беларусі)». Менск: Логвінаў, сэрыя «Галярэя Б».
Алесь Бычкоўскі. «Анамалія». Менск: Галіяфы, сэрыя «Калекцыя беларускай фантастыкі».
Валянціна Доўнар. «Каб сказаць... і пачулі». Менск: Харвест.
Севярын Квяткоўскі. «Падарунак для Адэлі». Менск: Логвінаў.
Уладзімер Някляеў. «Аўтамат з газіроўкай з сыропам і без. Менскі раман». Менск: Паперус.
Алесь Пашкевіч. " Сімъ Побѣдиши «. Менск: Кнігазбор.
Людміла Рублеўская. «Авантуры Пранціша Вырвіча, шкаляра і шпега». Менск: Рэдакцыя газеты «Зьвязда».
Мікола Сянкевіч. «Незваротны шлях». Берасьце: Альтэрнатыва.

Цяпер колькасьць прэтэндэнтаў пераваліла за чатыры дзясяткі. Зь іх у першай палове студзеня 2013 года будзе абвешчаны лонг-ліст прэміі. У яго трапяць 12 кніг. А пазьней — шорт ліст з шасьцю намінантамі, зь якіх будзе вызначаная тройка пераможцаў. Прэмія імя Ежы Гедройца ўручаецца ў другі раз. Першым яе ляўрэатам стаў Павал Касьцюкевіч са зборнікам апавяданьняў «Зборная РБ па негалоўных відах спорту». Ён атрымаў 105 мільёнаў беларускіх рублёў.