У судзе Кастрычніцкага раёну Менску 27 чэрвеня аднаўляецца разгляд крымінальнай справы супраць заснавальніка беларускамоўнага інтэрнэт-сэрвісу «Кнігі поштай» Алеся Яўдахі.
Яўдаху вінавацяць у незаконнай прадпрымальніцкай дзейнасьці за тое, што дапамагаў людзям набываць беларускія кнігі.
Алесь Яўдаха дасылаў праз пошту кнігі вядомых беларускіх аўтараў: Васіля Быкава, Уладзімера Арлова, Міколы Ермаловіча, Рыгора Барадуліна і многіх іншых, якія цяжка набыць у дзяржаўных крамах.
У гэтым пракуратура ўгледзела незаконнае прадпрымальніцтва і зьвярнулася ў суд.
Абвінавачаньне замовіла 230 сьведак – карыстальнікаў паслугаў – з розных гарадоў краіны, зь якіх каля сотні было дапытана падчас судовых паседжаньняў.
Суд над Алесем Яўдахам распачаўся летась і быў перапынены ў лістападзе ў зьвязку з правядзеньнем экспэртызы матэрыялаў справы. Паводле выстаўленага абвінавачаньня Алесю Яўдаху пагражае ад двух гадоў абмежаваньня волі да трох гадоў турмы.
Яўдаху вінавацяць у незаконнай прадпрымальніцкай дзейнасьці за тое, што дапамагаў людзям набываць беларускія кнігі.
Алесь Яўдаха дасылаў праз пошту кнігі вядомых беларускіх аўтараў: Васіля Быкава, Уладзімера Арлова, Міколы Ермаловіча, Рыгора Барадуліна і многіх іншых, якія цяжка набыць у дзяржаўных крамах.
У гэтым пракуратура ўгледзела незаконнае прадпрымальніцтва і зьвярнулася ў суд.
Абвінавачаньне замовіла 230 сьведак – карыстальнікаў паслугаў – з розных гарадоў краіны, зь якіх каля сотні было дапытана падчас судовых паседжаньняў.
Суд над Алесем Яўдахам распачаўся летась і быў перапынены ў лістападзе ў зьвязку з правядзеньнем экспэртызы матэрыялаў справы. Паводле выстаўленага абвінавачаньня Алесю Яўдаху пагражае ад двух гадоў абмежаваньня волі да трох гадоў турмы.
