У Грэцыі — на паўторных датэрміновых парлямэнцкіх выбарах, паводле апошніх экзыт-полаў, прыхільнікі працягу выкананьня ўмоў пагадненьня з Эўразьвязам аб фінансавай дапамозе, павялічылі свой адрыў ад апанэнтаў з 0,5% да 1,5%.
Паводле экзыт-полаў, за леварадыкальны блёк «Сырыза», які ў выпадку сваёй перамогі абяцае скасаваць пагадненьне з Эўразьвязам, прагаласавалі да 28,6% выбарцаў.
Правацэнтрысцкая партыя «Новая дэмакратыя», якая выступае за выкананьне абавязкаў перад міжнароднымі крэдыторамі, мае каля 30%.
Калі Цэнтравыбаркам пацьвердзіць гэтыя вынікі, прыхільнікі працягу бюджэтнай эканоміі атрымаюць шанец сфармаваць урад.
Папярэднія датэрміновыя выбары ў краіне адбыліся ў мінулым месяцы, аднак ніводная з палітычных сілаў не атрымала на іх дастатковай перавагі для таго, каб ачоліць кіроўную кааліцыю. Працяглы палітычны пат і адсутнасьць пасьлядоўнай эканамічнай палітыкі пагражае краіне дэфолтам, які ў сваю чаргу, можа справакаваць працяглую рэцэсію ва ўсім Эўразьвязе.
Паводле экзыт-полаў, за леварадыкальны блёк «Сырыза», які ў выпадку сваёй перамогі абяцае скасаваць пагадненьне з Эўразьвязам, прагаласавалі да 28,6% выбарцаў.
Правацэнтрысцкая партыя «Новая дэмакратыя», якая выступае за выкананьне абавязкаў перад міжнароднымі крэдыторамі, мае каля 30%.
Калі Цэнтравыбаркам пацьвердзіць гэтыя вынікі, прыхільнікі працягу бюджэтнай эканоміі атрымаюць шанец сфармаваць урад.
Папярэднія датэрміновыя выбары ў краіне адбыліся ў мінулым месяцы, аднак ніводная з палітычных сілаў не атрымала на іх дастатковай перавагі для таго, каб ачоліць кіроўную кааліцыю. Працяглы палітычны пат і адсутнасьць пасьлядоўнай эканамічнай палітыкі пагражае краіне дэфолтам, які ў сваю чаргу, можа справакаваць працяглую рэцэсію ва ўсім Эўразьвязе.
