Як паведамляе брусэльскі карэспандэнт Радыё Свабода, Рада міністраў замежных справаў Эўразьвязу сёньня пашырыла візавую забарону яшчэ на 21 чалавека зь Беларусі: 19 чыноўнікаў з судовай сыстэмы Беларусі і 2 міліцэйскіх чыноўнікаў. Сярод іх няма бізнэсоўца Юрыя Чыжа.
Прозьвішчы пакуль не агучваюцца. Іх абяцаюць апублікаваць заўтра.
Раней у беларускі чорны сьпіс Эўразьвязу былі ўнесеныя 210 чалавек.
