Натальля, якая працуе ў дзяржаўным сэктары, ня хоча гаварыць пра палітыку, асьцерагаючыся страціць працу. Турбуючыся пра здароўе мужа, яна сустрэлася ў сераду з прадстаўніком францускага МЗС у правах чалавека Франсуа Зімэрэ.
«Бяляцкі цярпіць ад жахлівай жорсткасьці. Захаваньне падобнага перасьледу каля дзьвярэй Эўропы – дзікі анахранізм», – сказаў пасьля сустрэчы Зімэрэ.
Арыштаваны 4 жніўня 2011 году ў рамках хвалі рэпрэсій у дачыненьні да палітычнай апазыцыі, СМІ і няўрадавых арганізацый, Бяляцкі стаў сымбалем прыгнечанай грамадзянскай супольнасьці. «Яго сапраўднае злачынства ў вачах дзяржавы палягала ў абароне ахвяр дзяржаўных рэпрэсій», – заявіла на саміце АБСЭ ў Вільні 6 сьнежня 2011 году Гілары Клінтан. Зараз сябры і абаронцы Алеся Бяляцкага маюць надзею на прысуджэньне яму Нобэлеўскай прэміі міру за 2012 год.
Для Захаду сродкі ціску на рэжым у Менску абмежаваныя. Уведзеныя Эўразьвязам санкцыі (забарона на ўезд у ЭЗ для 210 чыноўнікаў зь Беларусі) неэфэктыўныя У сувязі з гэтым разгарэлася спрэчка паміж эўрапейскімі дыпляматамі. «Усе сыходзяцца на думцы, што санкцыі не працуюць, – прызнае Саша Кулаева зь Міжнароднай фэдэрацыі правоў чалавека. – Таму некаторыя чальцы ЭЗ хочуць адмяніць сьпіс неўязных, іншыя – не. Гэта можна абмяркоўваць, але відавочна адно: ніякі дыялёг зь Менскам недапушчальны да таго часу, пакуль ня вызваленыя палітвязьні. Лукашэнку ўласьціва весьці перамовы, ставячы на кон жыцьцё вязьняў».
«Бяляцкі цярпіць ад жахлівай жорсткасьці. Захаваньне падобнага перасьледу каля дзьвярэй Эўропы – дзікі анахранізм», – сказаў пасьля сустрэчы Зімэрэ.
Арыштаваны 4 жніўня 2011 году ў рамках хвалі рэпрэсій у дачыненьні да палітычнай апазыцыі, СМІ і няўрадавых арганізацый, Бяляцкі стаў сымбалем прыгнечанай грамадзянскай супольнасьці. «Яго сапраўднае злачынства ў вачах дзяржавы палягала ў абароне ахвяр дзяржаўных рэпрэсій», – заявіла на саміце АБСЭ ў Вільні 6 сьнежня 2011 году Гілары Клінтан. Зараз сябры і абаронцы Алеся Бяляцкага маюць надзею на прысуджэньне яму Нобэлеўскай прэміі міру за 2012 год.
Для Захаду сродкі ціску на рэжым у Менску абмежаваныя. Уведзеныя Эўразьвязам санкцыі (забарона на ўезд у ЭЗ для 210 чыноўнікаў зь Беларусі) неэфэктыўныя У сувязі з гэтым разгарэлася спрэчка паміж эўрапейскімі дыпляматамі. «Усе сыходзяцца на думцы, што санкцыі не працуюць, – прызнае Саша Кулаева зь Міжнароднай фэдэрацыі правоў чалавека. – Таму некаторыя чальцы ЭЗ хочуць адмяніць сьпіс неўязных, іншыя – не. Гэта можна абмяркоўваць, але відавочна адно: ніякі дыялёг зь Менскам недапушчальны да таго часу, пакуль ня вызваленыя палітвязьні. Лукашэнку ўласьціва весьці перамовы, ставячы на кон жыцьцё вязьняў».
