Былыя палітвязьні Фёдар Мірзаянаў і Ільля Васілевіч заявілі 22 верасьня журналістам, што не зьбіраюцца заставацца ў Беларусі і ад’едуць з краіны на вучобу.
Фёдар Мірзаянаў тлумачыць, што ня мае намеру заставацца ў Беларусі, паколькі тыя, хто яго арыштаваў і пасадзіў у турму, засталіся на сваіх пасадах і, праўдападобна, ня будуць пакараныя. Таму, маўляў, застаецца небясьпека.
Ільля Васілевіч кажа, што глыбока зьняважаны парушэньнем законаў і правоў чалавека ў Беларусі. “Я не адчуваю ў гэтых умовах сябе вольным і ў бясьпецы. У любы момант на любога чалавека могуць сфальшаваць справу і пасадзіць у турму. У калёніях такіх людзей шмат”, – заявіў Васілевіч. Ён дадаў, што менавіта паводле гэтых матываў не зьбіраецца заставацца ў Беларусі
Васілевіч і Мірзаянаў заявілі, што яны вернуцца ў Беларусь, калі ў краіне зьменіцца палітычны рэжым.
Фёдар Мірзаянаў тлумачыць, што ня мае намеру заставацца ў Беларусі, паколькі тыя, хто яго арыштаваў і пасадзіў у турму, засталіся на сваіх пасадах і, праўдападобна, ня будуць пакараныя. Таму, маўляў, застаецца небясьпека.
Ільля Васілевіч кажа, што глыбока зьняважаны парушэньнем законаў і правоў чалавека ў Беларусі. “Я не адчуваю ў гэтых умовах сябе вольным і ў бясьпецы. У любы момант на любога чалавека могуць сфальшаваць справу і пасадзіць у турму. У калёніях такіх людзей шмат”, – заявіў Васілевіч. Ён дадаў, што менавіта паводле гэтых матываў не зьбіраецца заставацца ў Беларусі
Васілевіч і Мірзаянаў заявілі, што яны вернуцца ў Беларусь, калі ў краіне зьменіцца палітычны рэжым.
