Толькі поўны ШОС!

Саўка і Грышка абмяркоўваць санкцыі Эўразьвязу, даюць ім сваю ацэнку і робяць свае прапановы.

Толькі поўны ШОС!

Саўка:
Ура! Ура!
Мяне у сьпісках нету.
Пара! Пара!
Ў “Акропаліс” паеду.

Куплю жане
То, што купляюць жонам.
А то ў мяне
Сь ней очэнь напражонна.

Грышка:
Ад санкцыяў карысьці
Як малака з казла.
Тут трэба так націснуць,
Сыстэма каб лягла.

А неўязныя сьпісы
Ня вырашаць наш лёс.
Ніякіх кампрамісаў,
А толькі поўны ШОС!

Саўка:
Гдзе хочаш лазь –
Манмартры, Пікадзілі…
Спасіба, ўласьць,
За то, што пасадзілі!

Мой шэф, Мадэст,
Сядзіць весь злой і красный.
Яму няўезд,
Я мне – свабоду празнуй!

Грышка:
Паўночная Карэя,
Судан, Таджыкістан…
І мы там чырванеем
І зелянеем там.

Там, у ганебных сьпісах,
Краіна наша ёсьць.
Таму без кампрамісаў,
А толькі поўны ШОС!