Аляксандар Радзькоў зьмяніў Натальлю Пяткевіч на пасадзе першага намесьніка кіраўніка адміністрацыі, замест Аляксандра Зімоўскага кіраўніком Белтэлерадыёкампаніі прызначаны Генадзь Давыдзька. Гэтыя кадравыя зьмены камэнтуе аглядальнік кампаніі Белапан Аляксандар Класкоўскі.
Класкоўскі: У намэнклятурным космасе гэта сапраўды як выбухі пратубэранцаў. І адпаведнае кола людзей будзе гэта доўга абмяркоўваць, для іх гэта заслоніць падзеі Плошчы, чым жыве і хварэе грамадзянская супольнасьць. А па сутнасьці для грамадзтва, для пэрспэктываў краіны гэта нуль. гэта бура ў шклянцы вады.
Можна разважаць, што Пяткевіч была больш маладзейшая, хацела хаця б здавацца больш сучаснай, хаця па сутнасьці таксама праклямавала замшэлыя тэзы. А Радзькоў – гэта наогул на 100% прадстаўнік старой гвардыі і калі яму даручаць адказваць за ідэалёгію, то тут усё будзе ў "лепшых" савецкіх традыцыях.
Што тычыцца Давыдзькі, то гэта чалавек нібыта з акторскай багемы, ў той час як Зімоўскі быў такім брэндам ці антыбрэндам беларускага тэлебачаньня. Уся гэтая сыстэма прамыўкі мазгоў асацыявалася з пэўным прозьвішчам. Давыдзька – адносна новая фігура, якая можа на некаторыя тэмы разважаць інтэлігентна. Але ў гэтай абойме усе патроны аднаго калібру.
Той самы Давыдзька калісьці быў сябрам ці прыяцелем Някляева. Я памятаю, на нейкі сход Някляева затармазілі, а Давыдзька прайшоў і Някляеў крычаў яму: "Генадзь, як жа цябе прапусьцілі?". Вось так і прапусьцілі. І той самы культурны і інтэлігэнтны Давыдзька так як трэба камэнтаваў днямі падзеі Плошчы па тэлебачаньні. Так што і ён будзе спраўна выконваць гэтыя функцыі. Іншых у гэтай сыстэме не трымаюць.
Класкоўскі: У намэнклятурным космасе гэта сапраўды як выбухі пратубэранцаў. І адпаведнае кола людзей будзе гэта доўга абмяркоўваць, для іх гэта заслоніць падзеі Плошчы, чым жыве і хварэе грамадзянская супольнасьць. А па сутнасьці для грамадзтва, для пэрспэктываў краіны гэта нуль. гэта бура ў шклянцы вады.
Можна разважаць, што Пяткевіч была больш маладзейшая, хацела хаця б здавацца больш сучаснай, хаця па сутнасьці таксама праклямавала замшэлыя тэзы. А Радзькоў – гэта наогул на 100% прадстаўнік старой гвардыі і калі яму даручаць адказваць за ідэалёгію, то тут усё будзе ў "лепшых" савецкіх традыцыях.
Што тычыцца Давыдзькі, то гэта чалавек нібыта з акторскай багемы, ў той час як Зімоўскі быў такім брэндам ці антыбрэндам беларускага тэлебачаньня. Уся гэтая сыстэма прамыўкі мазгоў асацыявалася з пэўным прозьвішчам. Давыдзька – адносна новая фігура, якая можа на некаторыя тэмы разважаць інтэлігентна. Але ў гэтай абойме усе патроны аднаго калібру.
Той самы Давыдзька калісьці быў сябрам ці прыяцелем Някляева. Я памятаю, на нейкі сход Някляева затармазілі, а Давыдзька прайшоў і Някляеў крычаў яму: "Генадзь, як жа цябе прапусьцілі?". Вось так і прапусьцілі. І той самы культурны і інтэлігэнтны Давыдзька так як трэба камэнтаваў днямі падзеі Плошчы па тэлебачаньні. Так што і ён будзе спраўна выконваць гэтыя функцыі. Іншых у гэтай сыстэме не трымаюць.
