Ісьляндзскі ПЭН-цэнтар выступіў з заявай, патрабуючы вызваленьня Някляева

«Ад імя чальцоў ісьляндзкага ПЭН-Цэнтру мы выказваем вам поўную падтрымку ў адстойваньні вамі свабоды слова і іншых правоў чалавека ў вашай краіне.

Мы разам з вамі асуджаем арышт і жорсткае зьбіцьцё нашага калегі, паэта Ўладзіміра Някляева і іншых праваабаронцаў і журналістаў. Мы занепакоеныя жорсткім абыходжаньнем са спадаром Някляевым і тым, што ён утрымліваецца пад вартай.

Мы лічым найважнейшай неабходнасьцю тое, каб сп. Някляеву была забясьпечаная належная мэдыцынская дапамога, і ўжо адправілі ліст прэзыдэнту Беларусі з заклікам неадкладна вызваліць сп. Някляева і правесьці поўнае і аб’ектыўнае расьсьледаваньне па гэтай справе.

З павагай,

• Сьён, старшыня Ісьляндзскага ПЭН-цэнтру
• Хальдур Гудмундсан, намесьнік старшыні
• Эйнар Карасан, сакратар
• Сігурб’ёрг Фрастардотыр
• Гудмундур Андры Торсан
• Лінда Вільх’яльмсдотыр
• Сігурдур Пальсан»

Раней з падобнымі заявамі выступілі беларускі ПЭН-цэнтар і польскі ПЭН-клюб.