Сустаршыня БХД Павал Севярынец, лідар «Маладога фронту» Зьміцер Дашкевіч, моладзевы актывіст Франак Вячорка правялі прэсавую канфэрэнцыю ля кляштару Бэрнардзінаў і распавялі пра пачататак штодзённай акцыі ад 16 верасьня.
«Мы зьбіраемся а 19-й гадзіне. Штодня гэта будзе нейкая адмысловая акцыя: ці то канцэрт бардаў, ці то мастацкі пленэр, ці то лекцыя па гісторыі храмаў, віктарына. Гэта будзе шэраг разнастайных акцыяў з адзіным пасланьнем: вярніце касьцёл вернікам», — заявіў Севярынец.
«16-га верасьня менавіта ў такім фармаце пройдзе Дзень салідарнасьці, — дадаў палітык. — З партрэтамі зьніклых і з партрэтамі Алега Бябеніна людзі будуць там»
Адказваючы на пытаньне, колькі будуць працягвацца штодзённыя акцыі, Севярынец заявіў: «Да тых часоў, пакуль мы не пераможам, альбо грубай сілай нас адтуль ня згоняць».
Актывісты БХД заявілі, што 15 верасьня плянуюць перадаць у Адміністрацыю прэзыдэнта і Палату прадстаўнікоў некалькі тысячаў подпісаў, сабраных супраць таго, каб у будынку кляштару бэрнардынцаў, які разам з касьцёлам Сьвятога Язэпа складае адзіны архітэктуры комплекс, зрабілі гатэль і забаўляльны цэнтар.
Касьцёл Сьвятога Язэпа — помнік архітэктуры стылю барока 17 стагодзьдзя.
Ад 19 сакавіка 2005 году сябрамі рымска-каталіцкай грамады сьвятога Язэпа ладзяцца штодзённыя вячэрнія малебны за вяртаньне будынку касьцёла вернікам.
15 ліпеня 2009 году ўпаўнаважаны па справах рэлігіяў і нацыянальнасьцяў Беларусі Леанід Гуляка заявіў, што менскі касьцёл бэрнардынцаў ня могуць аддаць вернікам з-за таго, што няма куды перамясьціць разьмешчаныя ў гэтым будынку фонды архіву гісторыі літаратуры.
«Мы зьбіраемся а 19-й гадзіне. Штодня гэта будзе нейкая адмысловая акцыя: ці то канцэрт бардаў, ці то мастацкі пленэр, ці то лекцыя па гісторыі храмаў, віктарына. Гэта будзе шэраг разнастайных акцыяў з адзіным пасланьнем: вярніце касьцёл вернікам», — заявіў Севярынец.
«16-га верасьня менавіта ў такім фармаце пройдзе Дзень салідарнасьці, — дадаў палітык. — З партрэтамі зьніклых і з партрэтамі Алега Бябеніна людзі будуць там»
Адказваючы на пытаньне, колькі будуць працягвацца штодзённыя акцыі, Севярынец заявіў: «Да тых часоў, пакуль мы не пераможам, альбо грубай сілай нас адтуль ня згоняць».
Актывісты БХД заявілі, што 15 верасьня плянуюць перадаць у Адміністрацыю прэзыдэнта і Палату прадстаўнікоў некалькі тысячаў подпісаў, сабраных супраць таго, каб у будынку кляштару бэрнардынцаў, які разам з касьцёлам Сьвятога Язэпа складае адзіны архітэктуры комплекс, зрабілі гатэль і забаўляльны цэнтар.
Касьцёл Сьвятога Язэпа — помнік архітэктуры стылю барока 17 стагодзьдзя.
Ад 19 сакавіка 2005 году сябрамі рымска-каталіцкай грамады сьвятога Язэпа ладзяцца штодзённыя вячэрнія малебны за вяртаньне будынку касьцёла вернікам.
15 ліпеня 2009 году ўпаўнаважаны па справах рэлігіяў і нацыянальнасьцяў Беларусі Леанід Гуляка заявіў, што менскі касьцёл бэрнардынцаў ня могуць аддаць вернікам з-за таго, што няма куды перамясьціць разьмешчаныя ў гэтым будынку фонды архіву гісторыі літаратуры.
