Аднаму з кіраўнікоў стваранай партыі “Беларуская хрысьціянская дэмакратыя” Георгію Дзьмітруку з Кобрыня падатковая інспэкцыя выставіла штраф у памеры 18 мільёнаў рублёў за перавышэньне ягоных асабістых расходаў над даходамі. Актывіст лічыць гэтае рашэньне палітычна матываваным і зьбіраецца яго аспрэчваць.
Георгі Дзьмітрук кажа, што рознага кшталту праверкі ягоных даходаў цягнуцца апошнія некалькі гадоў. Спачатку прыбыткі апазыцыянэра аналізаваў дэпартамэнт фінансавых расьсьледаваньняў, потым дзяржаўны кантроль, а на працягу апошніх чатырох месяцаў яму амаль кожны дзень прыходзілася сустракацца з падаткоўцамі Кобрыня. Інспэктары аналізавалі прыбыткі і выдаткі спадара Дзьмітрука за апошнія дзесяць гадоў:
"Яны не знайшлі нейкіх парушэньняў за гэтыя гады. Таму пайшлі іншым шляхам: падлічылі, колькі я павінен зарабляць, каб пакрыць расходы. Прычым гэтыя расходы яны таксама самастойна разьлічвалі, беручы пад увагу пражытковы мінімум, падлічвалі заплачаныя падаткі. У выніку мне паведамілі, што даходы за 10 гадоў не пакрываюць маіх расходаў".
На працягу расьсьледаваньня падаткоўцы, кажа актывіст БХД, павялічвалі суму штрафу. У выніку цягам бліжэйшага часу яму прыйдзецца заплаціць каля 18 мільёнаў рублёў:
"Мне прыйшло паведамленьне, што цягам некалькіх месяцаў я павінен аплаціць гэтую суму, у адваротным выпадку справа будзе перададзена ў суд".
Георгі Дзьмітрук кажа, што цяпер вядзе кансультацыі зь юрыстам і зьбіраецца абскарджваць рашэньне падаткоўцаў у судзе.
Каардынатар БХД па Берасьцейшчыне Зьміцер Шухрай перакананы, што гэты выпадак палітычна матываваны:
"Гэты штраф зьвязаны з палітычнай дзейнасьцю Георгія Дзьмітрука. І тут, мяркую, ціск напярэдадні прэзыдэнцкай кампаніі. Дзьмітрук зьяўляецца кіраўніком альтэрнатыўнага ўраду для адзінага кандыдата".
Падатковыя праверкі ў адносінах да грамадска-палітычных актывістаў на Берасьцейшчыне апошнім часам актывізаваліся, кажа Зьміцер Шухрай.
Георгі Дзьмітрук займаецца бізнэсам, ён выхоўвае 5 дзяцей. На працягу апошніх дзесяці гадоў ён працаваў кіраўніком прадстаўніцтваў розных замежных прадпрыемстваў на тэрыторыі Беларусі.
Георгі Дзьмітрук кажа, што рознага кшталту праверкі ягоных даходаў цягнуцца апошнія некалькі гадоў. Спачатку прыбыткі апазыцыянэра аналізаваў дэпартамэнт фінансавых расьсьледаваньняў, потым дзяржаўны кантроль, а на працягу апошніх чатырох месяцаў яму амаль кожны дзень прыходзілася сустракацца з падаткоўцамі Кобрыня. Інспэктары аналізавалі прыбыткі і выдаткі спадара Дзьмітрука за апошнія дзесяць гадоў:
мне паведамілі, што даходы за 10 гадоў не пакрываюць маіх расходаў ...
"Яны не знайшлі нейкіх парушэньняў за гэтыя гады. Таму пайшлі іншым шляхам: падлічылі, колькі я павінен зарабляць, каб пакрыць расходы. Прычым гэтыя расходы яны таксама самастойна разьлічвалі, беручы пад увагу пражытковы мінімум, падлічвалі заплачаныя падаткі. У выніку мне паведамілі, што даходы за 10 гадоў не пакрываюць маіх расходаў".
На працягу расьсьледаваньня падаткоўцы, кажа актывіст БХД, павялічвалі суму штрафу. У выніку цягам бліжэйшага часу яму прыйдзецца заплаціць каля 18 мільёнаў рублёў:
"Мне прыйшло паведамленьне, што цягам некалькіх месяцаў я павінен аплаціць гэтую суму, у адваротным выпадку справа будзе перададзена ў суд".
Георгі Дзьмітрук кажа, што цяпер вядзе кансультацыі зь юрыстам і зьбіраецца абскарджваць рашэньне падаткоўцаў у судзе.
Каардынатар БХД па Берасьцейшчыне Зьміцер Шухрай перакананы, што гэты выпадак палітычна матываваны:
"Гэты штраф зьвязаны з палітычнай дзейнасьцю Георгія Дзьмітрука. І тут, мяркую, ціск напярэдадні прэзыдэнцкай кампаніі. Дзьмітрук зьяўляецца кіраўніком альтэрнатыўнага ўраду для адзінага кандыдата".
Падатковыя праверкі ў адносінах да грамадска-палітычных актывістаў на Берасьцейшчыне апошнім часам актывізаваліся, кажа Зьміцер Шухрай.
Георгі Дзьмітрук займаецца бізнэсам, ён выхоўвае 5 дзяцей. На працягу апошніх дзесяці гадоў ён працаваў кіраўніком прадстаўніцтваў розных замежных прадпрыемстваў на тэрыторыі Беларусі.
