У адной з канфэрэнц-заляў менскага гатэлю «Арбіта» сабраліся толькі арганізатары акцыі «Стоп-бэнзін», журналісты, а таксама незалежны эканаміст Сяргей Чалы ды кіраўнік Асацыяцыі малога і сярэдняга прадпрымальніцтва Сяргей Балыкін. Замест круглага стала атрымалася нешта кшталту прэс-канфэрэнцыі.
Арцём Шаркоў, адзін з арганізатараў акцыі пратэсту «Стоп-бэнзін»: «Мы хацелі сабраць шырокі круглы стол, з прадстаўніцтвам дзяржаўных органаў, накіроўвалі запрашэньні ў канцэрн «Белнафтахім», Міністэрства транспарту і камунікацый, Міністэрства эканомікі, Дзяржаўны мытны камітэт, Міністэрства прамысловасьці. Сёньня ад іх атрымалі разнастайныя адмовы: ад каго пісьмовыя, ад каго вусныя».
Так прэсавая сакратарка «Белнафтахіму» Марына Касьцючэнка ў сваім лісьце да арганізатараў круглага стала падзячыла за запрашэньне на мерапрыемства і адзначыла, што «рашэньні пра зьмяненьні коштаў на нафтапрадукты прымаюцца канцэрнам «Белнафтахім» у рамках заканадаўства Рэспублікі Беларусь».
Арганізатары кампаніі «Стоп-бэнзін» хочуць пачуць ад чыноўнікаў уцямнае тлумачэньне наконт таго, чаму павышаюцца цэны на бэнзін. Падчас гутаркі ўдзельнікі высоўвалі свае гіпотэзы наконт сапраўдных прычынаў падаражэньня паліва, падкрэсьліваючы, што хацелі б пачуць адказы прадстаўнікоў «Белнафтахіму» ці Міністэрства эканомікі.
Сяргей Балыкін падчас круглага стала.
Сяргей Балыкін, кіраўнік Асацыяцыі малога і сярэдняга прадпрымальніцтва:
«Свабоднай гульні на беларускім рынку няма ў прынцыпе. Калі б на беларускім рынку нафтапрадуктаў была насамрэч нейкая канкурэнцыя ці нешта блізкае да гэтага, то цана была б у выніку ніжэйшая».
Незалежны эканаміст Сяргей Чалы лічыць, што эфэкт ад самой кампаніі «Стоп-бэнзін» ёсьць. Паводле словаў Чалага, у Беларусі слаба разьвітая сыстэма зваротнай сувязі паміж уладай і простымі грамадзянамі, а падобныя акцыі якраз запаўняюць гэты прабел.
Арганізатары акцыі пратэсту супраць высокіх коштаў на паліва плянуюць працягваць распаўсюджваць налепкі з сымболікай грамадзкай кампаніі «Стоп-бэнзін», а таксама не адмаўляюць магчымасьці паўтарэньня акцыяў на запраўках.
На пачатку чэрвеня аўтааматары зьбіраліся ды запраўлялі на АЗС «Белнафтахіму» кожны па 2 літры, тым самым спрабуючы паказаць, што кошты на паліва растуць нашмат хутчэй за заробкі.
Канстанцін Міхайлаў, арганізатар грамадзкай кампаніі «Стоп-бэнзін»:
«Будзем чакаць адказу ад Адміністрацыі прэзыдэнта, і ад гэтага адказу будзе залежаць далейшае разьвіцьцё падзеяў, таму што, магчыма, мы плянуем праводзіць далей акцыі, падобныя на тую, што была зладжаная 4 чэрвеня, у выпадку, калі нас і надалей будуць ігнараваць».
Арцём Шаркоў, адзін з арганізатараў акцыі пратэсту «Стоп-бэнзін»: «Мы хацелі сабраць шырокі круглы стол, з прадстаўніцтвам дзяржаўных органаў, накіроўвалі запрашэньні ў канцэрн «Белнафтахім», Міністэрства транспарту і камунікацый, Міністэрства эканомікі, Дзяржаўны мытны камітэт, Міністэрства прамысловасьці. Сёньня ад іх атрымалі разнастайныя адмовы: ад каго пісьмовыя, ад каго вусныя».
Так прэсавая сакратарка «Белнафтахіму» Марына Касьцючэнка ў сваім лісьце да арганізатараў круглага стала падзячыла за запрашэньне на мерапрыемства і адзначыла, што «рашэньні пра зьмяненьні коштаў на нафтапрадукты прымаюцца канцэрнам «Белнафтахім» у рамках заканадаўства Рэспублікі Беларусь».
Арганізатары кампаніі «Стоп-бэнзін» хочуць пачуць ад чыноўнікаў уцямнае тлумачэньне наконт таго, чаму павышаюцца цэны на бэнзін. Падчас гутаркі ўдзельнікі высоўвалі свае гіпотэзы наконт сапраўдных прычынаў падаражэньня паліва, падкрэсьліваючы, што хацелі б пачуць адказы прадстаўнікоў «Белнафтахіму» ці Міністэрства эканомікі.
«Свабоднай гульні на беларускім рынку няма ў прынцыпе. Калі б на беларускім рынку нафтапрадуктаў была насамрэч нейкая канкурэнцыя ці нешта блізкае да гэтага, то цана была б у выніку ніжэйшая».
Незалежны эканаміст Сяргей Чалы лічыць, што эфэкт ад самой кампаніі «Стоп-бэнзін» ёсьць. Паводле словаў Чалага, у Беларусі слаба разьвітая сыстэма зваротнай сувязі паміж уладай і простымі грамадзянамі, а падобныя акцыі якраз запаўняюць гэты прабел.
Арганізатары акцыі пратэсту супраць высокіх коштаў на паліва плянуюць працягваць распаўсюджваць налепкі з сымболікай грамадзкай кампаніі «Стоп-бэнзін», а таксама не адмаўляюць магчымасьці паўтарэньня акцыяў на запраўках.
На пачатку чэрвеня аўтааматары зьбіраліся ды запраўлялі на АЗС «Белнафтахіму» кожны па 2 літры, тым самым спрабуючы паказаць, што кошты на паліва растуць нашмат хутчэй за заробкі.
Канстанцін Міхайлаў, арганізатар грамадзкай кампаніі «Стоп-бэнзін»:
«Будзем чакаць адказу ад Адміністрацыі прэзыдэнта, і ад гэтага адказу будзе залежаць далейшае разьвіцьцё падзеяў, таму што, магчыма, мы плянуем праводзіць далей акцыі, падобныя на тую, што была зладжаная 4 чэрвеня, у выпадку, калі нас і надалей будуць ігнараваць».
