Гэта першы з васьмі пратаколаў і дамоваў, якія зьбіраецца ратыфікаваць сёньня Палата прадстаўнікоў ў межах Мытнага саюза. Такім чынам выразна бачна, што Беларусь не спыняе надзей знаходзіцца ў мытным саюзе.
Як патлумачыў намесьнік міністра фінансаў Беларусі Іван Шунько па першай ратыфікацыі, гэта дае Беларусі дзьве асноўныя выгоды. Па-першае, тавары, на якія меліся раней ільготы па падатку на даданую вартасьць, не будуць цяпер абкладацца гэтым самым падаткам у краінах-экспарцёрах. Па-другое, пытаньне пра тое, хто будзе зьбіраць падаткі – мытнікі альбо падаткавікі – вырашанае на карысьць падаткавікоў, што таксама добра.
