Сёньня судзьдзя Цэнтральнага раёну Гомеля Сяргей Шыцікаў адхіліў пазовы праваабаронцаў Анатоля Паплаўнага й Леаніда Судаленкі да гарвыканкаму. Яны патрабавалі адмены рашэньня гарвыканкаму на забарону пікету на пляцы Паўстаньня, замоўленага на 10 сьнежня, Дзень правоў чалавека.
Судзьдзя матываваў свой вырак тым, што рашэньне выканкаму № 299 «Аб масавых мерапрыемствах у горадзе Гомелі», паводле якога ініцыятары масавага мерапрыемства абавязаны заключаць дамовы зь міліцыяй, службай мэдычнай дапамогі й камунальнікамі на абслугоўваньне пікету, зарэгістраванае ў Нацыянальным рэестры прававых актаў. Ініцыятары масавых акцыяў абавязаны заключаць дамовы, а Паплаўны з Судаленкам гэтага не зрабілі.
Гэтаксама тлумачыла адмову й прадстаўніца гарвыканкаму Паліна Лабанава.
Леанід СудаленкаПраваабаронца Леанід Судаленка лічыць неабгрунтаванай адмову гарвыканкаму, а прынятае ім рашэньне № 299 незаконным — яно істотна абмяжоўвае канстытуцыйныя правы грамадзянаў на мірныя сходы:
«Нягледзячы на тое, што суды не падтрымліваюць нас, мы ўсё адно вырашылі абскардзіць рашэньне гарвыканкаму на забарону пікету. Гарвыканкам узяў за правіла забараняць любыя публічныя акцыі, якія паходзяць не ад улады ці ад праўладных арганізацыяў. За апошнія пяць гадоў дэмакратычным актывістам не дазволена ніводнай масавай акцыі. Такое стаўленьне гарвыканкаму парушае нашы канстытуцыйныя правы й Ўсеагульную дэклярацыю правоў чалавека».
Актывісты наважаны абскардзіць вырак у вышэйшую судовую інстанцыю, а калі спатрэбіцца, то і ў Камітэт ААН па правах чалавека.
Судзьдзя матываваў свой вырак тым, што рашэньне выканкаму № 299 «Аб масавых мерапрыемствах у горадзе Гомелі», паводле якога ініцыятары масавага мерапрыемства абавязаны заключаць дамовы зь міліцыяй, службай мэдычнай дапамогі й камунальнікамі на абслугоўваньне пікету, зарэгістраванае ў Нацыянальным рэестры прававых актаў. Ініцыятары масавых акцыяў абавязаны заключаць дамовы, а Паплаўны з Судаленкам гэтага не зрабілі.
Гэтаксама тлумачыла адмову й прадстаўніца гарвыканкаму Паліна Лабанава.
«Нягледзячы на тое, што суды не падтрымліваюць нас, мы ўсё адно вырашылі абскардзіць рашэньне гарвыканкаму на забарону пікету. Гарвыканкам узяў за правіла забараняць любыя публічныя акцыі, якія паходзяць не ад улады ці ад праўладных арганізацыяў. За апошнія пяць гадоў дэмакратычным актывістам не дазволена ніводнай масавай акцыі. Такое стаўленьне гарвыканкаму парушае нашы канстытуцыйныя правы й Ўсеагульную дэклярацыю правоў чалавека».
Актывісты наважаны абскардзіць вырак у вышэйшую судовую інстанцыю, а калі спатрэбіцца, то і ў Камітэт ААН па правах чалавека.
