“Новае жыцьцё” працягвае змагацца за будынак царквы

Пра гэта паведаміў юрыст царквы Сяргей Луканін.

Ужо некалькі гадоў працягваецца змаганьне вернікаў царквы «Новае жыцьцё» за свой будынак ў колішняй вёсцы Сухарава, які яны сваімі сіламі перарабілі з былога кароўніка. Вернікі адмаўляюцца пакінуць будынак царквы і працягваюць у ім маленьні, на якія зьбіраюцца сотні прыхільнікаў, у тым ліку з усёй Беларусі.

Рашэньне гаспадарчага суду Менску пра высяленьне царквы ўступіла ў сілу 8 сьнежня.