Сёлета студэнтамі сталі 83 500 абітурыентаў. На бюджэтную дзённую форму навучаньня залічана 23 800 студэнтаў.
Першы намесьнік кіраўніка адміністрацыі прэзыдэнта, старшыня Дзяржаўнай камісіі па кантролі за ходам падрыхтоўкі і правядзеньня ўступных іспытаў Анатоль Рубінаў даў такую ацэнку ўступнай кампаніі:
“У параўнаньні зь мінулымі гадамі кампанія прайшла найбольш арганізавана, спакойна. Па-другое, арганізацыя працэсу цэнтралізаванага тэставаньня — на вельмі высокім узроўні. Мэханізм настолькі адладжаны, да аўтаматызму, што тут камар носу не падточыць. Па-трэцяе, сёлета сыстэма падліку балаў пры выстаўленьні адзнакі была цалкам адэкватнай”.
Нагадаю, што на цэнтралізаваным тэставаньні па расейскай мове, матэматыцы больш за 40% абітурыентаў набралі менш за 20 балаў — то бок не дасягнулі мінімуму, які дазваляе падаваць дакумэнты ў ВНУ. І Мінадукацыі ў тэрміновым парадку зьнізіла плянку — да 13 балаў па расейскай і беларускай мовах, да 8 балаў па матэматыцы. Міністар адукацыі Аляксандар Радзькоў прызнае, што тут ёсьць праблема:
“Пытаньні на будучыню — ніжняя мяжа бала. Я, напрыклад, лічу, што яна павінна быць. Мы яе спрабавалі ўсталяваць рашуча — там 15 балаў летась, 20 балаў сёлета. Але гэта не для кожнага прадмета падыходзіць. І мы павінны разьлічваць гэтую мяжу ўжо пасьля таго, як вымалёўваецца агульная карціна. Да прыкладу, мяжу ў 10% мы павінны трымаць”.
Шмат хто з абітурыентаў спадзяваўся, што прахадныя балы будуць ніжэйшыя за леташнія, бо тэсты ў цэлым здаваліся сёлета значна горш. Але гэтага не адбылося: у БДУ на філязофію прахадны бал быў 344, на міжнародныя адносіны — 370, на прыкладную матэматыку — 340.
У БНТУ прахадны бал на факультэт прамысловага і грамадзянскага будаўніцтва быў каля 300. 342 балы трэба было набраць, каб паступіць на перакладчыцкі факультэт Лінгвістычнага ўнівэрсытэту.
А вось у пэдунівэрсытэт імя Танка на спэцыяльнасьці “фізыка і матэматыка” прымалі са 135 баламі. У 11 ВНУ засталіся вакансіі на бюджэтныя месцы (на 46 спэцыяльнасьцях). Адна з прычын — абмежаваная колькасьць тэстаў: толькі тры. Але павялічваць іх колькасьць, каб у абітурыента быў большы выбар спэцыяльнасьцяў, наўрад ці будуць, заявіў міністар адукацыі Аляксандар Радзькоў. Абітурыентам трэба адразу выбраць спэцыяльнасьць і больш адказна рыхтавацца. На платныя аддзяленьні таксама ўсіх запар набіраць ня будуць, сказаў спадар Радзькоў:
“Мы разумеем, што прыём трэба рэгуляваць. Здавалася б, хоча чалавек платна вучыцца. Ну як яму адмовіць? Але мы адказваем за якасьць адукацыі. І другое — гэта занятасьць насельніцтва. На жаль, на некаторыя спэцыяльнасьці мы нават не дабралі. Да прыкладу, на пэдагагічныя спэцыяльнасьці. Чаму? Дзяцей стала менш, таму і настаўнікаў трэба менш”.
Такая сытуацыя пацягне за сабой зьмяншэньне плянаў прыёму на пэўныя спэцыяльнасьці. Тым часам у наступным годзе ў сувязі зь пераходам на 11-гадовую адукацыю адбудуцца два выпускі сярэдняй школы і два выпускі базавай школы.
Першы намесьнік кіраўніка адміністрацыі прэзыдэнта, старшыня Дзяржаўнай камісіі па кантролі за ходам падрыхтоўкі і правядзеньня ўступных іспытаў Анатоль Рубінаў даў такую ацэнку ўступнай кампаніі:
“У параўнаньні зь мінулымі гадамі кампанія прайшла найбольш арганізавана, спакойна. Па-другое, арганізацыя працэсу цэнтралізаванага тэставаньня — на вельмі высокім узроўні. Мэханізм настолькі адладжаны, да аўтаматызму, што тут камар носу не падточыць. Па-трэцяе, сёлета сыстэма падліку балаў пры выстаўленьні адзнакі была цалкам адэкватнай”.
Нагадаю, што на цэнтралізаваным тэставаньні па расейскай мове, матэматыцы больш за 40% абітурыентаў набралі менш за 20 балаў — то бок не дасягнулі мінімуму, які дазваляе падаваць дакумэнты ў ВНУ. І Мінадукацыі ў тэрміновым парадку зьнізіла плянку — да 13 балаў па расейскай і беларускай мовах, да 8 балаў па матэматыцы. Міністар адукацыі Аляксандар Радзькоў прызнае, што тут ёсьць праблема:
“Пытаньні на будучыню — ніжняя мяжа бала. Я, напрыклад, лічу, што яна павінна быць. Мы яе спрабавалі ўсталяваць рашуча — там 15 балаў летась, 20 балаў сёлета. Але гэта не для кожнага прадмета падыходзіць. І мы павінны разьлічваць гэтую мяжу ўжо пасьля таго, як вымалёўваецца агульная карціна. Да прыкладу, мяжу ў 10% мы павінны трымаць”.
На пэдагагічныя спэцыяльнасьці мы не дабралі. Чаму? Дзяцей стала менш, таму і настаўнікаў трэба менш.
Шмат хто з абітурыентаў спадзяваўся, што прахадныя балы будуць ніжэйшыя за леташнія, бо тэсты ў цэлым здаваліся сёлета значна горш. Але гэтага не адбылося: у БДУ на філязофію прахадны бал быў 344, на міжнародныя адносіны — 370, на прыкладную матэматыку — 340.
У БНТУ прахадны бал на факультэт прамысловага і грамадзянскага будаўніцтва быў каля 300. 342 балы трэба было набраць, каб паступіць на перакладчыцкі факультэт Лінгвістычнага ўнівэрсытэту.
А вось у пэдунівэрсытэт імя Танка на спэцыяльнасьці “фізыка і матэматыка” прымалі са 135 баламі. У 11 ВНУ засталіся вакансіі на бюджэтныя месцы (на 46 спэцыяльнасьцях). Адна з прычын — абмежаваная колькасьць тэстаў: толькі тры. Але павялічваць іх колькасьць, каб у абітурыента быў большы выбар спэцыяльнасьцяў, наўрад ці будуць, заявіў міністар адукацыі Аляксандар Радзькоў. Абітурыентам трэба адразу выбраць спэцыяльнасьць і больш адказна рыхтавацца. На платныя аддзяленьні таксама ўсіх запар набіраць ня будуць, сказаў спадар Радзькоў:
“Мы разумеем, што прыём трэба рэгуляваць. Здавалася б, хоча чалавек платна вучыцца. Ну як яму адмовіць? Але мы адказваем за якасьць адукацыі. І другое — гэта занятасьць насельніцтва. На жаль, на некаторыя спэцыяльнасьці мы нават не дабралі. Да прыкладу, на пэдагагічныя спэцыяльнасьці. Чаму? Дзяцей стала менш, таму і настаўнікаў трэба менш”.
Такая сытуацыя пацягне за сабой зьмяншэньне плянаў прыёму на пэўныя спэцыяльнасьці. Тым часам у наступным годзе ў сувязі зь пераходам на 11-гадовую адукацыю адбудуцца два выпускі сярэдняй школы і два выпускі базавай школы.
