У вучэбныя карпусы ВНУ пускалі толькі абітурыентаў з зарэгістраваным пропускам, пашпартам і асадкай. У будынкі, дзе праводзіліся тэсты, уваход нават для супрацоўнікаў закрыты да 15:30. Тэставыя заданьні ўскрывалі ў аўдыторыі ў прысутнасьці чальцоў камісіі. На тое, каб выканаць заданьне па беларускай мове, адводзіцца дзьве гадзіны. Так што распытаць пра тэст можна было толькі саміх абітурыентаў, калі яны выходзілі з будынку:
Карэспандэнтка: “Чаму вы абралі менавіта беларускую мову?”
Дзяўчына: “Гэта наша дзяржаўная мова, і нам лягчэй на ёй пісаць”.
Хлопец: “Патрыёт”.
Другі хлопец: “Гэта мая родная мова, і мне лягчэй пісаць па ёй тэст”.
Дзяўчына: “Я думаю, яна лягчэйшая за рускую”.
Карэспандэнтка: “А дзе вы яе вывучалі?”
Дзяўчына: “У гімназіі, зь першай клясы, павышаны ўзровень. Таму я лічу, што яна лягчэйшая для мяне. І правілы больш даступныя і зразумелыя”.
Карэспандэнтка: “А зараз заданьні былі складаныя?”
Юнак: “Для мяне — не”.
Дзяўчына: “Былі цяжкія заданьні. Мне спадабалася заданьне № 29, трэба было расставіць коскі, але сказы былі вельмі складаныя”.
Хлопец: “Канечне, заданьні былі цяжкія, больш на лёгіку”.
Дзяўчына: “Былі і больш складаныя, і больш лёгкія, але ўвогуле, я лічу, тэст рашаецца”.
Карэспандэнтка: “А якія былі цікавыя для вас пытаньні, нейкія закавыкі былі?
Дзяўчына: “Так, былі, асабліва ў “В” частцы, заданьні на фразэалягізмы. Трэба было скласьці фразэалягізм са словамі, але словы былі вельмі падобныя, таму трэба было падумаць. Я напісала “Хто яго ведае” — там было са значэньнем “мабыць” (“наверное”). Я думаю, гэта правільна”.
Хлопец: “Для мяне самыя складаныя былі знакі прыпынку. Думаю, будуць у мяне памылкі”.
***
Сябры камісій, якія знаходзіліся на тэставаньні, ніякіх камэнтароў ці інтэрвію не даюць. Радыё Свабода ўдалося задаць некалькі пытаньняў намесьніку старшыні арганізацыйнай камісіі па цэнтралізаваным тэставаньні Белдзяржунівэрсытэта Вячаславу Малафееву:
“Ці былі сёньня эксцэсы, можа, каго выставілі сёньня за дзьверы?”
“Пакуль у нас інфармацыі няма, што кагосьці выдалілі. На жаль, раніцай зноў зьявіліся абітурыенты бяз пашпарта. Крыўдна, але мы ня можам прапусьціць ні зь якім іншым дакумэнтам”.
Карэспандэнтка: “Ці цяжкія былі заданьні?”
“На гэтае пытаньне сёньня ніхто не адкажа, таму што здаюць беларускую мову, а ў аўдыторыях знаходзяцца выкладчыкі не гуманітарных, а дакладных, прыродазнаўчых факультэтаў. То бок тут няма адмыслоўцаў. А выкладчыкі прыродазнаўчых факультэтаў карыстаюцца ў асноўным расейскай мовай”.
Пра вынікі тэставаньня можна даведацца толькі праз два тыдні: альбо па месцы здачы тэстаў — там будуць вывешаныя сьпісы, альбо праз інтэрнэт, альбо замовіўшы такую паслугу праз СМС.
Карэспандэнтка: “Чаму вы абралі менавіта беларускую мову?”
Дзяўчына: “Гэта наша дзяржаўная мова, і нам лягчэй на ёй пісаць”.
Хлопец: “Патрыёт”.
Другі хлопец: “Гэта мая родная мова, і мне лягчэй пісаць па ёй тэст”.
Дзяўчына: “Я думаю, яна лягчэйшая за рускую”.
Карэспандэнтка: “А дзе вы яе вывучалі?”
Дзяўчына: “У гімназіі, зь першай клясы, павышаны ўзровень. Таму я лічу, што яна лягчэйшая для мяне. І правілы больш даступныя і зразумелыя”.
Карэспандэнтка: “А зараз заданьні былі складаныя?”
Юнак: “Для мяне — не”.
Дзяўчына: “Былі цяжкія заданьні. Мне спадабалася заданьне № 29, трэба было расставіць коскі, але сказы былі вельмі складаныя”.
Хлопец: “Канечне, заданьні былі цяжкія, больш на лёгіку”.
Дзяўчына: “Былі і больш складаныя, і больш лёгкія, але ўвогуле, я лічу, тэст рашаецца”.
Карэспандэнтка: “А якія былі цікавыя для вас пытаньні, нейкія закавыкі былі?
Дзяўчына: “Так, былі, асабліва ў “В” частцы, заданьні на фразэалягізмы. Трэба было скласьці фразэалягізм са словамі, але словы былі вельмі падобныя, таму трэба было падумаць. Я напісала “Хто яго ведае” — там было са значэньнем “мабыць” (“наверное”). Я думаю, гэта правільна”.
Хлопец: “Для мяне самыя складаныя былі знакі прыпынку. Думаю, будуць у мяне памылкі”.
***
Сябры камісій, якія знаходзіліся на тэставаньні, ніякіх камэнтароў ці інтэрвію не даюць. Радыё Свабода ўдалося задаць некалькі пытаньняў намесьніку старшыні арганізацыйнай камісіі па цэнтралізаваным тэставаньні Белдзяржунівэрсытэта Вячаславу Малафееву:
“Ці былі сёньня эксцэсы, можа, каго выставілі сёньня за дзьверы?”
“Пакуль у нас інфармацыі няма, што кагосьці выдалілі. На жаль, раніцай зноў зьявіліся абітурыенты бяз пашпарта. Крыўдна, але мы ня можам прапусьціць ні зь якім іншым дакумэнтам”.
Карэспандэнтка: “Ці цяжкія былі заданьні?”
“На гэтае пытаньне сёньня ніхто не адкажа, таму што здаюць беларускую мову, а ў аўдыторыях знаходзяцца выкладчыкі не гуманітарных, а дакладных, прыродазнаўчых факультэтаў. То бок тут няма адмыслоўцаў. А выкладчыкі прыродазнаўчых факультэтаў карыстаюцца ў асноўным расейскай мовай”.
Пра вынікі тэставаньня можна даведацца толькі праз два тыдні: альбо па месцы здачы тэстаў — там будуць вывешаныя сьпісы, альбо праз інтэрнэт, альбо замовіўшы такую паслугу праз СМС.
