Пра гэта сёньня паведаміў першы віцэ-прэм’ер Беларусі Уладзімер Сямшака.
Цяпер Беларусь купляе расейскі газ па 119 даляраў за тысячу кубамэтраў. На пачатку сакавіка пасол Расеі ў Беларусі Аляксандар Сурыкаў сказаў, што цана на газ падвысіцца цягам гэтага году для Беларусі на 7-10% .
Паседжаньне саюзнага савета міністраў адбудзецца ў Менску 21 сакавіка. “Газавае” пытаньне будзе абмяркоўвацца ў вузкім коле.
Цяпер беларускі бок вядзе перамовы з “Газпромам” і ўрадам Расеі.
“Мы спрабуем патлумачыць неабходнасьць карэктыроўкі самой формулы разьліку цаны на газ”, - сказаў Уладзімер Сямшака.
У "Газпроме" гэтыя заявы беларускага віцэ-прэм'ера пакуль не камэнтуюць.
