Суды адбудуцца напярэдадні заплянаванай на 15 сакавіка чарговай акцыі супраць дэкрэту № 3, якую ўлады забаранілі праводзіць у Горадні.
Пайшоў з жыцьця беларускі самадзейны кампазытар, настаўнік музыкі, кіраўнік дзіцячага ўзорнага фальклорнага ансамбля «Гарадзенскія дударыкі», акампаніятар Беларускай дзяржаўнай філярмоніі, руплівец беларускай справы.
«Бізнэс па-беларуску: права на мову» — такую тэму абмяркоўвалі ўдзельнікі дыскусійнага клюбу ў Горадні. Яны расказвалі пра свой уласны досьвед.
Нягледзячы на заяўленую тэму — абмеркаваньне дэкрэту № 3 — чыноўнікі, паводле кіраўніка гарадзкой арганізацыі партыі БНФ Вадзіма Саранчукова, распавядалі галоўным чынам пра тое, як разьвіваецца горад. Журналістаў на паседжаньне не пусьцілі. Канкрэтных вынікаў ад сустрэчы апазыцыянэры пакуль ня бачаць.
Міліцэйскі пратакол складзены на сябра БХД Антона Войцехава. Ён абвінавачваецца ва ўдзеле ў несанкцыянаваным мерапрыемстве
10 сакавіка ў Гарадзенскім гарвыканкаме мае адбыцца круглы стол па абмеркаваньні дэкрэту № 3. Для ўдзелу ў ім запрошаныя прадстаўнікі грамадзкасьці і апазыцыйных партыяў Горадні.
Ежы Грыгенчы быў затрыманы ў мікрараёне Альшанка ў момант, калі расклейваў улёткі, якія запрашалі жыхароў гораду на акцыю 15 сакавіка супраць дэкрэту № 3. Акцыю забаранілі горадзенскія ўлады.
Ежы Грыгенчы вінавацяць у тым, што ён нібыта расклейваў улёткі ў якіх жыхары горада запрашаліся на акцыю супраць дэкрэта № 3 15 сакавіка, якую забаранілі праводзіць гарадзенскія ўлады.
Рэдактар «Газеты Слонімскай» Віктар Валадашчук атрымаў адказы зь «Белпошты» і «Беласаюздруку» на просьбу ўключыць ягонае выданьне ў падпісны каталёг і распаўсюджваць праз шапікі.
У адказе заяўнікам гаворыцца, што ў пададзенай заяўцы «ня выкананыя патрабаваньні заканадаўства Рэспублікі Беларусь у частцы адсутнасьці зьвестак, абавязковых для адлюстраваньня ў заяве на правядзеньне масавага мерапрыемства».
Прадпрымальнікі на апусьцелых гарадзенскіх рынках кажуць, што насамрэч ранейшых рынкаў у горадзе ўжо не засталося, бо гандаль на іх амаль спыніўся. Самі яны выходзяць сюды па старой звычцы. І расказваюць, куды пазьнікалі з рынкаў іхнія калегі.
Ініцыятыву прапанавалі на сойме Партыі БНФ, слонімскія актывісты яе падтрымалі.
Вяскоўцы мяркуюць, што ўлады спалохаліся пратэстаў.
Пратаколы складзеныя на актывістаў гарадзенскіх партыяў і рухаў, якія нібыта бралі ўдзел у «Маршы недармаедаў» 19 лютага. Але пакуль ніхто не атрымаў позвы ў суд.
Аказалася, што знайсьці людзей, якія заплацілі так званы пададак «за дармаедзтва» паводле дэкрэту № 3, значна цяжэй, чым тых, хто яго не плаціў і не зьбіраецца гэтага рабіць. І на кантакт з журналістам яны ідуць вельмі неахвотна.
На зварот слонімцаў да Палаты прадстаўнікоў з патрабаваньнем зраўняць на практыцы статус беларускай мовы з расейскай у заканадаўчай сфэры і выдаваць прынятыя парлямэнтам законы па-беларуску, прыйшоў адмоўны адказ.
Дакладная лічба пратаколаў, складзеных на ўдзельнікаў «маршу недармаедаў» у Горадні, пакуль невядомая. Прыблізна — каля дзесяці. Усіх вінавацяць у несанкцыянаваным шэсьці, ніхто сваёй віны не прызнае.
Паводле Грыгенчага, яму і Верамеенку тэлефанаваў начальнік аддзела прафіляктыкі Ленінскага РАУС і запрасіў для дачы тлумачэньняў адносна іх удзелу ў несанкцыянаванай акцыі, якая адбылася ў Горадні 19 лютага.
На сайце Hrodna.life сярод гісторыкаў разгарнулася дыскусія наконт рэстаўрацыі Старога гарадзенскага замка. За аснову рэканструкцыі ўзяты праект Уладзімера Бачкова, створаны ўжо больш як 30 год таму. У гэтага праекту ёсьць як прыхільнікі, так і крытыкі.
У Лідзкім раёне ў межах адзначэньня Дня роднай мовы другі тыдзень працягваюць пісаць беларускія дыктоўкі, ладзіць канцэрты і іншыя беларускія мерапрыемствы.
Загрузіць яшчэ
